Arhangelsk qalasynyŋ būrynǧy äkımı Aleksandr Donskoi qalaǧa Putingrad degen atau berudı ūsyndy. Ol "Gazeta.Ru" basylymyna bergen sūhbatynda Vladimir Putinnıŋ ömırbaiany men qala arasynda eşqandai bailanys joq ekenın, qala atauyn Putingrad dep özgertu aimaqqa investisiia men turist tartu üşın ǧana qajet ekenın aitty, - dep habarlaidy Tengrinews.kz tılşısı.
"Mäsele mynada, bailanys (Putinmen) joq. Prezident bızde tumaǧan, oqymaǧan, ömır sürmegen, būl - qala üşın ülken kemşılık. Menıŋ ideiam mynadai: kemenı qalai ataisyŋ, ol solai jüzedı. Ökınışke qarai, Arhangelsk ünemı küirep tūrǧan qala. Keiıngı jaŋalyq, qala äkımıne naşar jol üşın 2 million rubl aiyppūl salyndy. Qala eskı, apattyq jaǧdaidaǧy tūrǧyn üilerdıŋ sany boiynşa köşbastap tūr. Menıŋ oiymşa, qala Putin atalsa, būl qalaǧa investisiialar tartuǧa, Arhangelsk qalasyn damytu baǧdarlamasyn jüzege asyruǧa jäne turisterdı tartuǧa mümkındık beredı. Mūndai atauy bar qalada şeneunıkter, deputattar naşar jūmys ıstei almady", - dedı Donskoi.
Eks-şeneunık Şeşenstan astanasyn mysalǧa keltırdı, onda Putin daŋǧylyna ötetın Qadyrov daŋǧyly bar.
"Groznyida Qadyrov atyndaǧy köşe bar jäne jaǧdaiy jaqsy. Ol jerde ekı ret boldym, bızge köp närse üirenu kerek", - dedı Donskoi.
Būrynǧy äkım Arhangelsk eltaŋbasyn auystyrudy ūsynyp, onyŋ eskırgenın aitty.
"Arhangelsk - älemdegı eltaŋbasynda şaitan beinelengen jalǧyz qala. Qala qonaqtary eltaŋbanyŋ maǧynasyn tüsınbeidı, ol dūrys kompozisiia emes. Men köŋıldı, otansüigıştıkke baulityn bırnärse qosu kerek dep sanaimyn, sondyqtan eŋ jaqsy nobaiǧa baiqau jariialadym. Jeŋımpaz qarapaiym syilyq, iaǧni 10 myŋ rubl alady", - dedı Donskoi.
Ol Arhangelsk atauyn özgertu jäne qalanyŋ eltaŋbasyn özgertu turaly ūsynyspen jergılıktı bilıkke jügınudı josparlamaitynyn aitty.
"Menıŋ oiymşa, bastama tömennen bastaluy kerek. Eger ūsynystarymdy qalalyq deputattar keŋesı baiqasa, dūrys bolady", - dep tolyqtyrdy Donskoi.
Jurnalister Arhangelsk äkımşılıgınıŋ baspasöz qyzmetınen ideiaǧa tüsınık beruın sūraǧanda, olar tıptı ony qarastyrmaityndaryn aitqan.
Olar qalanyŋ "maŋyzdy problemalary" bar ekenın tüsındırıp, tıptı būl aqparatty baiqamaǧandaryn aitqan.
"Donskoi - jeke tūlǧa. Būl tıptı äzıl türınde de talqylanbady", - dedı baspasöz qyzmetı.
“Adyrna” ūlttyq portaly
