Eldımekenderde infraqūrylymmen qamtu jūmystary aiaqtaldy

Şymkent qalasy äkımınıŋ orynbasary M.Aimanbetov qala tūrǧyndaryn infraqūrylymmen qamtu boiynşa qūrylysy jürıp jatqan bırqatar nysandardy aralady. Būl turaly qalalyq energetika jäne infraqūrylymdy damytu basqarmasy habarlady. Qazırgı uaqytta qala tūrǧyndaryn sapaly auyz sumen qamtu qūrylysy qarqyndy jürıp jatyr. Bügınde Yntymaq-2 eldımekenın sapaly auyz sumen qamtu qūrylysy tolyǧymen aiaqtalyp, tūrǧyn üilerdı suǧa qosu jūmystary jürgızılıp jatyr. Mūnda barlyǧy 2500-ge juyq tūrǧyn bolsa, qazır 1000-nan astam abonent sapaly auyz su tūtynuda. Aldaǧy 2 apta kölemınde suǧa qosu jūmysy 100% oryndalyp, tūrǧyndar tolyǧymen sapaly auyz sumen qamtylatyn bolady. Qūrylysy jürıp jatqan nysandardy aralau barysynda qala äkımınıŋ orynbasary Batys jäne Jaŋatalap eldımekenderıne de bardy. Atalǧan eldımekenderde qūrylys jūmysy 100% aiaqtalǧan. Qazırgı uaqytta ışkı oramdyq su qūbyrlaryn juyp-şaiu, dezinfeksiialau jäne abonentteu jūmystary jürıp jatyr. Aita keteiık, jyl soŋyna deiın auyz sudy tasymaldaityn Soltüstık saiajai, Batys, Jaŋatūrlan, Asar-2, Aqtas tūrǧyn alabtary men kestemen berılıp kelgen Jaŋatalap, Saule ş/a, Nūrtastyŋ jaŋaqūrylys aumaǧynda qūrylys jūmysy aiaqtalady. Nätijesınde 25,6 myŋ adam auyz sumen qamtylyp, körsetkış 95,6%-dan - 98%-ǧa jetedı.