«Şaŋyraq» baǧyty boiynşa kezektı 273 azamat qonys toiyn toilady

Şymkent qalasynda «Şaŋyraq» jeŋıldetılgen nesielık baǧdarlamasy boiynşa Tūran şaǧyn audanynda ornalasqan kezektı 7 tūrǧyn üi (№6a,8a,10a,12a,14a,16a,18a) qoldanysqa berıldı. Saltanatty merekelık şaraǧa Şymkent qalasy äkımınıŋ orynbasary Maulen Aimanbetov arnaiy qatysyp, infraqūrylymdyq kommunaldyq qyzmetterı ıske qosylǧan päterlerdıŋ ielerıne päter kıltterın tabystady. - “Jalpy Tūran şaǧyn audanynyŋ damu josparyna säikes şaşamen 1,2 mln. şarşy metrdı qūraityn 15,3 myŋ päterlı 319 köpqabatty tūrǧyn üidıŋ qūrylysy josparlanǧan. Bügıngı taŋda biudjet esebınen 88 üidıŋ qūrylysy jürgızılıp, onyŋ ışınde “Şaŋyraq” baǧytynyŋ qatysuşalyryna 27 tūrǧyn üi (1728) boiynşa azamattardy qonystandyru jūmystary kezeŋ-kezeŋımen jüzege asyryluda. Sondai-aq 7-20-25 nesielık baǧdarlamasy boiynşa 29 tūrǧyn üidıŋ (1800päter) qūrylysy biyl aiaqtalmaq. Būdan bölek jalpy qala aumaǧynda nesielık bırneşe baǧyttaǧy 50 tūrǧyn üidıŋ jobalau-smetalyq qūjattamasy äzırlenude. Atalǧan tūrǧyn üilerdıŋ qūrylys jūmystary keler jyly bastalmaq. Būl körsetkışter aldaǧy uaqytta azamattardyŋ baspana mäselesınıŋ şeşıluıne ülken yqpal etpek”,-dedı M. Aimanbetov. “Şaŋyraq” baǧyty boiynşa Bahytkül Nurmetova jyldar boiy kütken baspanasyna bügın qol jetkızdı. Ekı balanyŋ anasy osydan bırneşe jyl būryn tūrǧyn üi kezegıne memlekettık qyzmetker sanatymen tırkelgen. Bügınde nesielık baspanaǧa qol jetkızgen jalǧyz basty ananyŋ quanyşynda şek joq. Qūrylys basqarmasynyŋ jūmys josparyna säikes qazırgı taŋda «Şaŋyraq» baǧdarlamasymen tūrǧyn üilerdıŋ qalǧan oramdary boiynşa abattandyru, jylu syndy infraqūrylymdyq injenerlık kommunaldyq jüielerdı ıske qosu jūmystary jürgızılude. Atalǧan baǧyt boiynşa jyl soŋyna deiın infraqūrylymdyq kommunaldyq qyzmetterı qosylǧan taǧy 14 tūrǧyn üige azamattar qonystandyrylatyn bolady. Bügıngı taŋda memleket tarapynan halyqty qoljetımdı baspanamen qamtuǧa erekşe män berılıp keledı. Biyl qala äkımdıgı tarapynan baspanaǧa mūqtaj azamattarǧa qoldau retınde tūrǧyn üi sertifikatyna 500 million teŋge bölındı. İpotekalyq tūrǧyn üi qaryzy boiynşa bastapqy jarnanyŋ bır bölıgın jabu üşın qaitarymsyz negızde är azamatqa 1 million teŋgege deiın berıledı. Bügıngı jaŋa qonys ielerınıŋ 184-ı de atalǧan sertifikatty alyp, baspanaly bolyp otyr. Baǧdarlamanyŋ talaptaryna säikes, tūrǧyn üi kezegınde tūrǧan azamattar otbasynyŋ ortaq tabysy eŋ tömengı künkörıs deŋgeiınıŋ 3,7 eselengen mölşerınen aspaǧan jaǧdaida qatysa alady. 2021 jylǧa būl tabys 126 917,4 teŋgenı qūrady. Jyldyq mölşerı 5 paiyzdan aspaityn, alǧaşqy jarna 10 paiyzben, 20 jylǧa jaŋa tūrǧyn üilerdı satyp alu mümkındıgı qarastyrylǧan. Eger azamattardyŋ ai saiynǧy tabys közı jetpei jatqan jaǧdaida, tuysy nemese jaqyny kepıl bola alady.