Säule şaǧynaudany talşyqty optika jelısımen qamtylady

Biyl Äl-Farabi audanyna qarasty 9000-nan astam halqy bar Säule şaǧynaudanyn optikalyq jelı arqyly sapaly internetpen qamtu jūmystary josparlanyp, basqarma tarapynan jeke investorlar tartylǧan bolatyn. Qalalyq sifrlandyru basqarmasynyŋ mälımetınşe, bügıngı taŋda, «SpesavtomatikaServis» jauapkerşılıgı şekteulı serıktestıgı tarapynan Säule şaǧynaudanyna optika jelısı tolyq jürgızılıp, 2500-ge juyq üige talşyqty optika jelısı jalpy sany 200 km qamtityn abonenttık kabel tartyldy. Nätijesınde, Säule şaǧynaudanyndaǧy 9000 nan astam qala tūrǧyndaryn sapaly internetpen qamtuǧa tolyq mümkındık jasalynuda. Bügıngı künı kompaniia tarapynan tūrǧyndardan internetke qosyluǧa ötınımder qabyldanuda. Tūrǧyndar tarapynan keŋjolaqty internet jelısıne qosyluǧa naqty ötınımder berılgen jaǧdaida, «SpesavtomatikaServis» kompaniiasy şaǧynaudandy tolyǧymen talşyqty optika jelısımen (200 Mbit/sek jyldamdyǧyna deiın) qamtamasyz etetın bolady.