21 myŋnan astam adam sapaly elektr quatymen qamtylady

Şymkent qalasynyŋ energetika jäne infraqūrylymdy damytu basqarmasynyŋ basşysy B.Bulatbekov qala äkımdıgınıŋ @akimat_shymkent instagram paraqşasynda tıkelei efirde sūhbat berdı. Basqarma basşysy qalada elektr quatynyŋ jiı sönuınıŋ negızgı sebepterıne toqtalyp, jalpy qalany sapaly elektr quatymen jäne auyzsumen qamtu jūmystarynyŋ barysyn baiandady. Tıkelei efir barysynda tūrǧyndar tarapynan äleumettık jelı arqyly kelıp tüsken saualdarǧa jauap berdı. Şaharda 11 qaraşadan bastap elektr energiiasy şektelmeidı. Qala tūrǧyndaryna qolaisyzdyq tudyrǧan būl mäselenı şeşu maqsatynda Jambyl GRES-ten qosymşa 70 MVt elektr energiiasyn aluǧa kelısımşart tüzıldı. – Qala tūrǧyndaryn sapaly elektr quatymen qamtu maqsatynda biyl barlyǧy 16 eldı mekende (barlyǧy 20 nysan) qūrylys jūmystary qolǧa alyndy. Bügınge deiın Qarabastau eldı mekenındegı 100-ge juyq abonent elektr quatymen qamtyldy. Sondai-aq, «1-M-1» qosalqy stansiiasynyŋ qūrylysyn aiaqtap, qazırgı uaqytta ıske qosuǧa daiyndyq jürgızılude. Onyŋ nätijesınde, Asar-2 eldı mekenı tūrǧyndaryn sapaly elektr quatymen qamtamasyz etetın bolamyz, – dedı B.Bulatbekov. Jalpy jyl soŋyna deiın, 7 eldı mekende (Dostyk, Jalyn, Aqjar, Yntymaq-2, Aiköl, İgılık, Täuelsızdıkke 20 jyl) qūrylys jūmystary aiaqtalyp, 21,3 myŋǧa juyq adam sapaly elektr quatymen qamtamasyz etıledı. Sondai-aq, basqarma basşysynyŋ mälımdeuınşe, qala tūrǧyndaryn sapaly auyzsumen qamtu maqsatynda barlyǧy 14 nysannyŋ qūrylysy jürgızılude. Qazırgı uaqytta Tūran, Yntymaq-2, Aqtas-2 jäne Säule (276 – oram), Jaŋatalap, Asar-2 eldı mekenındegı qūrylys jūmystary aiaqtalyp, tūrǧyndardy suǧa qosu jūmystary bastaldy. Batys, Soltüstık saiajai jäne Nūrtas eldımekenderınde su qūbyry tolyq jürgızılıp, qazırgı uaqytta qūbyrlar synaqtan ötkızıldı jäne su eseptegış qūrylǧysy ornatyluda. Atalǧan jūmystar qaraşa aiynyŋ soŋyna deiın aiaqtalyp, atalǧan eldı mekenge de su beru jūmysy bastalady. 2021 jyldyŋ josparyna säikes, qalada auyzsuyn tasymaldaityn eldı mekennıŋ barlyǧy 100 paiyz qamtylyp, sapaly auyzsu berıledı. Aita keteiık,qalanyŋ infraqūrylymy salasynda atqarylǧan jūmystyŋ bärı derlık el täuelsızdıgınıŋ 30 jyly qarsaŋynda ıske asyrylyp otyr.