Üşınşı megapoliste QR Täuelsızdıgınıŋ 30 jyldyǧyna arnalǧan ıs-şaralar ailyǧy bastaldy. Būl turaly bügın qala äkımdıgınıŋ aqparattyq-kommunikasiia ortalyǧynda ötken baspasöz brifingınde Şymkent qalasy äkımınıŋ bırınşı orynbasary Şyŋǧys Mūqan mälımdedı.
– El Täuelsızdıgınıŋ 30 jyldyǧyna arnalǧan ıs-şaralar jyldyŋ basynan bastaldy. Är ai belgılı bır salaǧa arnaldy. Endı bügınnen bastap "Jūldyzdy 30 kün" jobasy bastalyp, 17 jeltoqsanǧa deiın jalǧasady. Qala äkımı Mūrat Düisenbekūly bekıtken jūmys josparyna sai ötetın joba aiasynda 107 tarmaqtan tūratyn ıs-şara ūiymdastyrylady dep kütılude. 17 jeltoqsanǧa deiıngı är künge jeke atau berılgen. Mysaly, bügın – "Studentter künı". Soǧan sai jastarǧa qatysty ıs-şaralar ötude, – dedı Şyŋǧys Jūmabekūly.
Spikerdıŋ aituynşa, joba 6 baǧytty qamtidy. Olar – ūlttyq qūndylyqtardy damytu; bılımdı jastardy qoldau; mädeniet salasyn damytu; käsıpkerlık, turizm jäne sifrlandyru; azamattardy äleumettık qoldau; merekege orai aşylatyn türlı nysandar.
Osy baǧyttardyŋ ärqaisysy boiynşa onnan astam ıs-şara ūiymdastyrylady. Şyŋǧys Jūmabekūly ıs-şaralar qaladaǧy epidemiologiialyq ahualǧa qarai, barlyq talapty saqtai otyryp ötkızıletının mälımdedı.
Nurlan Bektaev FOTO: Serık Qosaev
