Bügın D.Qonaev daŋǧyly men T.Rysqūlov köşesınıŋ qiylysyndaǧy jolairyq tolyǧymen aşyldy. Būǧan deiın jolairyqtyŋ aşyq tonnelı men T.Rysqūlov köşesındegı ainalma joldyŋ bır bölıgı paidalanuǧa berılgen edı. Al, bügın joldyŋ ekınşı jaǧy da aşylyp, avtokölıkter barlyq baǧytta jüre bastady.
Jolairyqtyŋ aşyluyna qatysqan Şymkent qalasynyŋ äkımı M.Äitenov nysannyŋ ainalasyn kögaldandyru jūmystarymen jäne jaiau jürgınşılerge arnalǧan jerasty ötkelınıŋ qūrylysymen tanysty. Josparǧa säikes, būl maŋǧa 320 tüp talşyn aǧaşy otyrǧyzylady.
–Qala tūrǧyndaryn osyndai maŋyzdy nysannyŋ aşyluymen qūttyqtaimyn. Būryn osy qiylystan täulıgıne 30 myŋ avtokölık ötken bolsa, jolairyqtyŋ arqasynda būl körsetkış 90 myŋǧa jetedı, – degen Mūrat Düisenbekūly endıgı kezekte Bäidıbek bi men Arǧynbekov köşelerınıŋ qiylysyndaǧy jolairyqtyŋ qūrylysy bastalatynyn jetkızdı.
Şahar basşysynyŋ aituynşa, jaŋa nysannyŋ qūrylysyn jeltoqsan aiynda bastau josparlanǧan. Alaida, Täuelsızdık künı men jaŋa jyl merekelerıne bailanysty būl jūmys 2022 jyldyŋ 5 qaŋtaryna deiın şegerılıptı.
Aita keteiık, būl – üş deŋgeiden, atap aitqanda, estakada, tonnel jäne jer üstı deŋgeilerınen tūratyn kürdelı qūrylys nysany. Mūndai jolairyq Şymkentte alǧaş ret salynbaq. 2022 jyldyŋ 5 qaŋtarynan 1 tamyzǧa deiın tek Arǧynbekov köşesı jabylady. Būl uaqytta Bäidıbek bi köşesınde kölık qozǧalysy şektelmeidı. 2022 jylǧy tamyz-qazan ailarynda qozǧalys barlyq baǧyttar boiynşa toqtatylady.
Keler jyly 1 qaraşada Arǧynbekov köşesınde tolyǧymen, al, Bäidıbek bi köşesınde 80 paiyzǧa kölık qozǧalysyna rūqsat berıledı. Nysan qūrylysy 2023 jylǧy nauryzda aiaqtalady dep kütılude.
–Magistraldy joldardyŋ jabyluy tūrǧyndarǧa uaqytşa qolaisyzdyq tuǧyzatynyn tüsınemız. Sol sebeptı merdıger kompaniiadan 3 jylǧa josparlanǧan qūrylysty 1 jyldan astam uaqytta aiaqtaudy talap etıp otyrmyz. Eger bız būl jūmystardy keiınge qaldyra bersek, kölık keptelısıne qatysty problema jyldan jylǧa uşyǧa tüsedı. Sondyqtan tūrǧyndardy tüsınıstıkpen qarauǧa şaqyramyn, – dedı M.Äitenov.
Qala äkımınıŋ aituynşa, şahardyŋ Bas josparynda osyndai 5 jolairyq salu qarastyrylǧan. Bıraq, sonyŋ özınde keptelıs mäselesı tolyǧymen şeşıledı dep aitu qiyn. Sol sebeptı äkım bolaşaqta qalada balama transport jelısın qūru qajettıgın de atap öttı.
Aidar QŪLJANOV. Foto Serık QOSAEV.
