Şymkenttegı oquşylar saraiynda «Menıŋ tılım» atty öner saiysy öttı. Täuelsızdıktıŋ 30 jyldyǧyna orai «30 jyldyqqa – 30 jūldyzdy kün» atty ıs-şaralar şeruı aiasynda ūiymdastyrǧan baiqauda etnos ökılderı önerlerın ortaǧa saldy.
Qalalyq tılderdı oqytu jäne ädıstemelık ortalyǧynyŋ ūiymdastyruymen ötken öner saiysynda türlı salada qyzmet etetın, joǧary jäne arnauly orta oqu oryndarynda bılım alatyn 11 etnos ökılı baq synady.
Qatysuşylar alǧaşqy kezeŋde sälemdesıp, özderın tanystyrsa, saiystyŋ ekınşı bölımınde önerlerın paş ettı. «Maqal – sözdıŋ mäiegı» aidarynda qazaq tılın qanşalyqty meŋgergenderın däleldedı. Olar ekranda körsetılgen maqaldyŋ jalǧasyn jatqa aityp, özara myqtyny anyqtady. Memlekettık tılde qoiylǧan sūraqtarǧa müdırmei jauap berdı. Qazaq tılınde özderınıŋ oilaryn erkın jetkızıp, jinalǧan qauymnyŋ taŋdanysyn tudyrdy. Sondai-aq, ūlttyq aspapta oinau şeberlıgın körsettı.
– Baiqaudyŋ negızgı maqsaty – qalamyzda tūratyn özge ūlt ökılderı arasynda memlekettık tıldı bılu deŋgeiın anyqtau jäne olardy yntalandyru, ärı qarai sol tılge degen nasihatty, patriotizmdı qalyptastyru, ūltaralyq yntymaqtastyqty nyǧaitudy közdeidı, - deidı ortalyq direktory Däuren Äuelhanūly.
Qazaq tılınıŋ mereiın asyruǧa baǧyttalǧan baiqauda «Aiǧaq» telearnasynyŋ direktory Mūhtar Serıkbaev, «Qyzmet» gazetınıŋ bas redaktory Beisenkül Narymbetova, qalalyq «Qoǧamdyq kelısım» mekemesınıŋ bölım basşysy Ūljan Aitubaevalar törelık ettı. Körermen közaiymyna ainalǧan saiys jeŋımpazdary baiqau qorytyndysy boiynşa alǧys hat jäne baǧaly syilyqtarmen marapattaldy.
Azamat JAPPAR
