Bügın Şymkent qalasyndaǧy Jastar resurstyq ortalyǧynda Olimpiada oiyndary men älem chempionattarynda el namysyn qorǧap jürgen belgılı sportşylardyŋ jastarmen kezdesuı öttı. Täuelsızdıktıŋ 30 jylyna orai ūiymdastyrylǧan «Jūldyzdy 30 kün» atty şaranyŋ aiasynda ötken kezdesuge karate şeberı, Tokio Olimpiadasynyŋ qola jüldegerı Darhan Asadılov, pauerliftingten 7 dürkın älem chempiony Kseniia Han jäne kikboksingten 2 dürkın älem chempiony Fazliddin Safarov qatysty.
–Täuelsızdıktıŋ 30 jyly qarsaŋynda jastarmen kezdesıp otyrǧanyma quanyştymyn. Būl şyn mänınde öte maŋyzdy mereke. Sebebı, adam balasy üşın azattyqtan artyq, erkındık pen teŋdıkten qymbat eşteŋe joq. Mūny, äsırese, halyqaralyq jarystarǧa barǧan kezde erekşe sezındım. Arqaŋda bırlıgı bekem, quatty memleketıŋnıŋ bar ekenın sezınu sportşynyŋ öz-özıne degen senımın artyryp, ruhyn küşeite tüsedı. Sondyqtan osyndaǧy barşa jastardy elge adal qyzmet etuge şaqyramyn. Sızder meilı sportşy bolarsyz nemese basqa salada eŋbek etersız, öz ısıŋızdı adal atqaruǧa, adamdarǧa paidaŋyzdy tigızuge ūmtylsaŋyz, menıŋşe, elge qyzmettıŋ ülkenı sol, – dedı Darhan Asadılov.
Kezdesu barysynda jastar sportşylardan Olimpiadadan alǧan äserı, jetıstıkke jetudıŋ syry men är sport türınıŋ erekşelıgı, bolaşaqqa qūrǧan josparlary turaly sūrady. Öz kezegınde sportşylar jastardyŋ sūraqtaryna jauap berıp, ını-qaryndastaryna aqyl-keŋesterın aitty.
A.SAILAUŪLY.
