Şymkentte 24 qaraşa men 8 jeltoqsan aralyǧynda äleumettık jelılerde jariialanatyn jūmystarǧa baiqau jariialandy. Būl turaly qalalyq jastar resurstyq ortalyǧynda ötken baspasöz jiynynda «Bäiterek» jastar ūiymynyŋ joba üilestıruşısı Sabira Baizahova mälımdedı. El täuelsızdıgınıŋ 30 jyldyǧyna orai ūiymdastyrylyp otyrǧan baiqauǧa 14 pen 45 jastaǧy qala tūrǧyndary qatysa alady. Jalpy saiystyŋ jülde qory – 1 mln 500 myŋ teŋge.
Jastar arasyndaǧy patriottyq sezımdı köteru jäne mediamädenietke üiretu maqsatynda ötkızılgelı otyrǧan baiqau jūmystary üş nominasiia boiynşa sarapqa salynady.
– Baiqau qatysuşylary 100 myŋ oqyrmannan kem bolmaityn äleumettık jelılerde #Täuelsızdıkke30jyl heştegın paidalana otyryp jazba, vain, rolikterın jariialaidy. Sıltemesın ūiymdastyruşylar, iaǧni bızge joldaularyna bolady. 9 jeltoqsan komissiia otyrysy ötedı. Är saladan jinalǧan saparşylar üzdık jūmystardy anyqtauǧa kömektesedı. «Üzdık jazba», «üzdık vain», «üzdık rolik» atalymdary boiynşa bas jülde men 1,2,3 oryn iegerlerıne baǧaly syilyqtar tabystalady, - dedı Sabira Mūratqyzy.
Baspasöz jiynynda är atalymǧa jauapty sala mamandary da qatysyp, jūmystarǧa qoiylatyn talaptarǧa toqtaldy. Jurnalist, qalalyq «Ruhani jaŋǧyru» jobalyq keŋsesınıŋ jetekşısı Zäure Oralbaeva äleumettık jelılerde oqyrmandarǧa arnalǧan kontent jazuda mediamädeniettılık pen kiberbulling mäselesıne nazar audaru kerek ekenın atap öttı. Al belgılı aktirsa, bloger-vainer Aqerke Asqar vain tüsırude tärbielık mänı bar taqyryptardy taŋdaŋdauǧa şaqyrdy.
Brifing barysynda söz alǧan «Jaidarman Production» studiiasynyŋ videooperatory Mūhit Qarsaqbaev videkontent jürgızude kamera, fotoapparat syndy qymbat tehnikalarmen qatar gadjetterdıŋ kömegıne jügınu arqyly sapaly dünieler jasauǧa bolatynyn aitty. Sondai-aq, ümıtkerler smartfondarǧa arnalǧan tegın montaj baǧdarlamalarymen de jūmys ısteu şeberlıkterın körsete alatyndaryn jetkızdı.
Azamat JAPPAR, Foto: Serık QOSAEV
