Üşınşı megapoliste qalalyq ışkı saiasat jäne jastar ısterı jönındegı basqarmasynyŋ ūiymdastyrumen jastar resurstyq ortalyǧynda Täuelsızdıktıŋ 30 jyldyǧy qarsaŋynda şahardyŋ äleumettık-ekonomikalyq damuyna, jastar saiasaty men qaiyrymdylyqqa qosqan ülesterı üşın bırqatar jastar marapat törınen körındı.
Sonymen qatar, belsendı qoǧamdyq qyzmetı üşın 30 jyldyqtyŋ ozattary, qaladaǧy täuelsızdık qūrdastary basqarma basşysynyŋ alǧys hatymen marapattaldy.
Jiynda söz alǧan qalalyq jastar resurstyq ortalyǧynyŋ direktory Erlan Aitbaev azattyqtyŋ aq taŋynda düniege kelgen täuelsızdık qūrdastary men türlı salada jetıstıkke jetken jastarǧa, erıktıler ūiymdaryna alǧys hat tabystady. Al, «Täuelsızdık ūrpaǧy» men «Jas volonter» jobalarynyŋ arasynda üzdık şyqqandarǧa qūrmet körsetıldı. Olardyŋ qatarynda «ASAA» jastar ūiymy men «Izgılıkte jarysaiyq» qaiyrymdylyq qory bar. Ekı ūiym da 1 mln teŋgenıŋ sertifikaty tapsyryldy.
– Täuelsızdıktıŋ 30 jylynda elımız san türlı qiyndyqtan ötıp, talai belestı baǧyndyrdy. Bügıngı şaraǧa şaharymyzdyŋ är audanynan täuelsızdık qūrdastary, ärtürlı sanattaǧy jastardyŋ belsendı ökılderı, jastar ūiymdarynyŋ köşbasşylary, qala jastary qatysyp jatyr. Eŋselı elımızben bırge ösıp, örkendep kele jatqan jastardyŋ bügıngı qarqyny, bılımge degen qūlşynysy, qoǧamdyq qyzmetı köŋıl quantady, – dedı E.Sadyrbaiūly.
Ortalyq basşysynyŋ aituynşa, täuelsızdık qūrdastary jyl boiy ata-anasynyŋ qamqorlyǧynan aiyrylǧan balalarǧa tälımgerlık jasaumen, mümkındıgı şekteulı balalarǧa treningter men tanymdyq ekskursiia ūiymdastyru siiaqty qaiyrymdylyq ıstermen ainalysty. Sonymen qatar, äleumettık az qamtylǧan otbasylarǧa kömek körsetu jäne azyq-tülık sebetterın taratu şaralaryn jürgızdı.
Azamat JAPPAR Foto Serık QOSAEV
