Şymkent qalasyna Serık Tölbasovtyŋ qory taǧy üş köpfunksionaldy sport alaŋyn syiǧa tartty.
Äl-Farabi audany Mailyqoja köşesındegı köpqabatty № 17 üi aulasynda jeke käsıpker qorynyŋ esebınen salynǧan alaŋşany qala äkımınıŋ orynbasary Maqsūt İsahov aşty.
Serık Tölbasovtyŋ Jeke Qory 2007 jyldyŋ 18 qaŋtarynda qūrylǧan.
Qor jūmysynyŋ maqsaty qoǧamdyq ūiymdardy qoldau bolyp tabylady. 2021 jylǧy mamyrdan qaraşaǧa deiın Serık Tölbasov Qory Şymkent qalasynda köpfunksionaldy sport alaŋdaryn saluǧa 100 000 000 teŋge berdı. Sport nysandary üş seriiamen paidalanuǧa berıldı: ekeuı mamyr-mausymda, ekeuı şılde – tamyzda jäne üşeuı 2021 jyldyŋ qaraşasynda. Üş jaŋa sport nysany, aldyŋǧy nysandar siiaqty, 50 ş. m. deiın workout aimaǧymen jabdyqtalǧan, būl bır mezgılde bırneşe sport türlerımen ainalysuǧa mümkındık beredı, kez kelgen aua raiynda qoldanuǧa yŋǧaily boluy üşın qorǧanys qorşaulary jäne zamanaui eden jabyny bar.
«Bügınge deiın būqaralyq sportty damytuǧa basymdyq beruınıŋ nätijesınde qalada tūraqty türde dene şynyqtyru jäne sportpen ainalysatyn azamattar sany artyp keledı. Qor esebınen salynǧan būl sport alaŋşasy jasöspırımderdıŋ bos uaqyttaryn tiımdı ötkızuıne jäne būqaralyq sporttyŋ damuyna mümkındık jasaidy. İgı bastamany qolǧa alǧan janaşyr azamattarǧa rizamyz! »– dedı Maqsūt Pernebaiūly.
Sport alaŋdaryn engızudıŋ negızgı maqsaty tūrǧylyqty jerı boiynşa dene şynyqtyrumen jäne sportpen ainalysu üşın aulalyq dene şynyqtyru-sporttyq infraqūrylymnyŋ qoljetımdılıgın keŋeitu bolyp tabylady.
Şymkent qalasynyŋ Aqparattyq-kommunikasiialyq ortalyǧy
