Bügın «Asar-2» şaǧynaudanyndaǧy su qūbyryn tūrǧyndar igılıgıne paidalanuǧa berıldı. Atalǧan ıs-şaraǧa Şymkent qalasy mäslihatynyŋ hatşysy M.Narymbetov, qalalyq mäslihat deputattary T.Baltabaev, A.Naimbekova, S.Quandyq, Qaratau audany äkımınıŋ orynbasary Q.Qaldyqaraev qatysty. Sonymen bırge, eldımeken tūrǧyndary men jergılıktı BAQ ökılderı qatysty.
«Asar-2» ş/a auyz sumen qamtamasyz etu boiynşa 156,1 km qūraityn ışkı oramdyq jüielerınıŋ qūrylys jūmystary 2020 jyldyŋ mamyrynda bastalǧan bolatyn. Qazırgı taŋda merdıger mekeme «Saryaǧaş-Aman» JŞS tarapynan qūrylys jūmystary aiaqtalyp, Kömeşbūlaq magistraldy su qūbyryna qosylyp auyz su tūrǧyndarǧa tolyq berıldı.
«Asar-2» ş/a 2019 jyly bastalǧan elektr jelılerınıŋ qūrylysy qazırgı uaqytta tolyǧymen aiaqtaldy. Nätijesınde, 87,2 km jelı, 1 dana RP jäne 24 dana KTP ornatyldy. Sondai-aq, 220 kv “Bozaryq” podstansiiasynan jaŋadan soǧylǧan 110 kv 1-M-1 podstansiiasyna qosu jūmystary jürgızılude. Elektr jelılerınıŋ qūrylysy «Remstroi Almaty» JŞS merdıger mekemesı tarapynan jürgızıldı.
2020 jyly merdıger mekeme «Otau Stroi» JŞS tarapynan «Asar-2» ş/a tabiǧi gazben qamtamasyz etu boiynşa 50,4 km qūraityn ışkı oramdyq jüilerınıŋ qūrylys jūmystary bastalyp, bügınde tolyǧymen aiaqtaldy.
Asar-2» ş/a kärız jüielerımen qamtu maqsatynda qūrylys jūmystary «Monolit – Dizain - 2030» JŞS tarapynan jürgızılude. Qūrylys jūmystary 2022 jyly aiaqtalady dep josparlanuda.
Asar-2 ş/a aǧymdaǧy jyly 19 km joldarǧa şaǧal tas töselındı. 2022 jyly atalǧan köşelerge asfalt töselınetın bolady.
Qazırgı taŋda, Qaratau audany äkımı apparaty tarapynan Asar-2 ş/a 138 JOM maŋynda salynyp jatqan zamanaui sport alaŋşasynyŋ qūrylysy qaraşa aiynyŋ soŋynda aiaqtalady. Sonymen qatar, jyl soŋyna deiın köp salaly balalar oiyn alaŋşasy da salynatyn bolady.
Şymkent qalasynyŋ Aqparattyq-kommunikasiialyq ortalyǧy
