Äl-Farabi audanynda tūrǧyndardy auyz su, tabiǧi gaz jäne elektr quatymen qamtu körsetkışı 99,7 paiyzdy qūrady.
Audandaǧy 404 köşenıŋ ūzaqtyǧy 282 şaqyrym joldyŋ 80 paiyzyna asfalt töselgen. Biyl şalǧai eldı mekende ornalasqan 13 köşege 5,2 şaqyrym şaǧal tas töseu jūmystary jürgızıldı. Onyŋ ışınde «Säule» şaǧyn audany 195 oramdaǧy 8 köşege 3,4 şaqyrym, Aqtas-2 eldı mekenındegı 5 köşege 1,8 şaqyrym tas töseldı.
Audandaǧy 404 köşenıŋ 103-ı jaryqtandyrylǧan. Al 22 köşenı jaryqtandyru boiynşa jūmystar jürgızılude. Bügınde 6 köşe (Jabaiy ata, Jūldyz, Täjıbai ata, Baianauyl, Köktöbe, Däuletūly köşelerı) jaryqpen qamtamasyz etıldı.
Al būqaralyq sportty damytu maqsatynda aǧymdaǧy jyly audanda jalpy 31 sport alaŋşasy paidalanuǧa berıledı.
Sonymen qatar, kelesı jyly «Halyq qatysatyn biudjet» jobasynyŋ aiasynda 50 aulada abattandyru, balalar oiyn alaŋşalaryn qūru jäne 10 sport alaŋşalaryn ornatu jūmystary jürgızıledı. Al 13 sport alaŋşasy qaita jöndeuden ötedı.
Sondai-aq, 20 köşege asfalt töseu boiynşa tiıstı basqarmaǧa ūsynys berıldı. Demeuşıler esebınen «Aqyldy aialdama» salu jäne «Auyz su būrqaǧyn» ornatu jūmystary jalǧasyn tabady.
Aita keteiık, biyl audanda 2 «Smart aialdama» jäne 7 «Auyz su būrqaǧy» paidalanuǧa berılgen.
Şymkent qalasynyŋ Aqparattyq-kommunikasiialyq ortalyǧy
