Qazaqstan Respublikasy Täuelsızdıgınıŋ 30 jyldyǧyna orai, Şymkent qalasy jūmyspen qamtu jäne äleumettık qorǧau basqarmasyna qarasty «SHANYRAQ» ortalyǧynda «Jūldyzdy 30 kün» atty ıs-şara jospary aiasynda döŋgelek üstel öttı. Is-şara tamyry tereŋ ketken, tarihpen bırge jalǧasyp kele jatqan ruhani bailyqtarymyzdyŋ bırı «otbasy qūdylyqtary» jaily.
Täuelsızdık jyldarynda otbasy qūndylyqtaryn nyǧaitu baǧytynda qyruar şarua atqaryldy. Elbasymyz Nūrsūltan Nazarbaevtyŋ bäsekege qabılettı ūlt, baqytty otbasy, sanaly da bılımdı ūrpaq qalyptastyruǧa baǧyttalǧan syndarly saiasatynyŋ nätijesınde ana men balany qoldau boiynşa baǧdarlamalyq qūjattar, genderlık teŋdıktı saqtau strategiiasy qabyldanyp, memlekettık deŋgeidegı otbasylyq saiasatta tūtastai jüie qalyptasty. Elbasy «Otbasy – Qazaqstan qoǧamynyŋ dıŋgegı, ekonomikadaǧy, mädeniettegı, äleumettık saiasattaǧy barlyq jaŋa jetıstıkterınıŋ negızı» dep būl mäselenıŋ bızdıŋ qoǧam üşın maŋyzyn körsetıp berdı.
Atalǧan ıs-şaraǧa jūmyspen qamtu jäne äleumettık qorǧau basqarma basşysy B.Narbekova, kämeletke tolmaǧandar ıster jönındegı sot töraǧasy D.Saihanov, äkeler keŋesınıŋ töraǧasy E.Otarbaev, Ädılet departamentı basşysynyŋ orynbasary A.İsabekova, QR Assambleiasynyŋ Respublikalyq analar keŋesı müşesı men L.Qoişieva qatysty.
Döŋgelek üstelde jahandyq özgerıster zamanynda otbasy qūndylyqtaryn saqtap qalu, onyŋ jastar sanasyndaǧy bedelın arttyru mäselelerı aityldy.
«Shanyraq» otbasy institutyn qoldau ortalyǧy qalamyzdyŋ az qamtylǧan 10 myŋnan astam otbasy müşelerıne qoldau körsetken.
Qyzmet aluşylarǧa 10 baǧyt boiynşa jūmys jürgızıledı. Mäselen, az qamtylǧan otbasylarmen mäselelerı boiynşa tıkelei jūmys, psihologiialyq qoldau körsetu, qūqyqtyq järdem, ükımettık emes ūiymdarmen bırlesken jūmys, mediasiiamen bırlesken jūmys, öz käsıbın igeruge yqpal etu, balalarǧa psihologiialyq qoldau körsetu, jūmyspen qamtyluǧa järdem, densaulyq mäselelerı jäne analar men balalarǧa arnalǧan arnaiy kurstar.
Bügınde jan-jaqty, bırlesken jūmystardyŋ arqasynda, ortalyqta, üiırmelerde kündelıktı şaralar ūiymdastyrylyp tūrady.
Şymkent qalasynyŋ Aqparattyq-kommunikasiialyq ortalyǧy
