Şymkent qalalyq klinikalyq balalar auruhanasynda alǧaş ret skolioz auruyna şaldyqqan nauqasqa kürdelı ota jasaldy. Tyŋ ädıspen jasalǧan operasiia Nūr-Sūltan qalasynan kelgen bılıktı travmatolog därıgerdıŋ jetekşılıgımen öttı.
Därıgerler omyrtqasy qisaiǧan 10 jasar qyz balasyna jetı saǧatqa juyq ota jasady. Operasiiaǧa auruhananyŋ travmatolog ortopedy Tūrdyqūlov Baǧjan qatysty. Ota kezınde hirurgtar nauqastyŋ omyrtqasyn hirurgiialyq jolmen tüzetıp berdı. Naqtyraq aitqanda, qisaiǧan süiegın tüzetıp, denesın tık ūstau üşın arnaiy temır qūrylǧyny arqa tūsyna ornatyp bergen. On jyldyq täjıribesı bar elordalyq mamandar mūndai otanyŋ būl joly da kürdelı ötkenın aitady.
«Oŋtüstık öŋırınde halyq sany köp bolǧandyqtan, skolizge şaldyqqan nauqas balalar sany da būl aimaqta köp ekenın aituǧa bolady. Sondyqtan mūndai joǧary mamandandyrylǧan otany aimaqtarǧa kelıp, jergılıktı mamandarmen täjıribe bölıskenımız dūrys. Būl joly bız qalalyq klinikalyq balalar auruhanasyna kelıp, osyndai kürdelı ota jasadyq. Operasiia sättı öttı. Ota jasau barysynda būl auruhananyŋ joǧary mamandandyrylǧan hirurgiialyq em jasauǧa mümkındıgı bar ekenın baiqadyq. Būl üşın jergılıktı mamandardyŋ bılıktılıgı jetedı», - deidı Nūr-Sūltan qalasyndaǧy «Ana men bala» ūlttyq ǧylymi ortalyǧy ortopediia bölımınıŋ jetekşısı Bolat Naǧymanov.
Bılıktı därıgerdıŋ sözınşe, otadan keiın nauqastyŋ jaǧdaiy būrynǧydan jaqsara tüsedı. Iаǧni, omyrtqanyŋ qisaiuynan paida bolǧan bükırlıgı joiylady jäne boiynyŋ ūzyndyǧy qalpyna tüsedı.
Aita keteiık, mūndai ota Nūr-Sūltan qalasynda 2010 jyldan berı jasalyp keledı. Jylyna ortaşa eseppen skolioz auruyna şaldyqan 150-ge juyq balaǧa kürdelı operasiia jasalady.
Nūr-Sūltandyq därıgerlerdıŋ qatysuymen ötken operasiiaǧa jergılıktı därıgerler qatysyp, ärıptesterımen täjıribe almasty. Jospar boiynşa qalalyq klinikalyq auruhana mamandary taǧy da kürdelı travmatologiialyq ota jasau barysyn jetık meŋgerıp, jergılıktı deŋgeide damytuda qolǧa almaq.
Şymkent qalasy äkımdıgınıŋ baspasöz qyzmetı
