El Täuelsızdıgınıŋ 30 jyldyǧyna orai qala äkımı M.Äitenov bekıtken «30 jūldyzdy kün» ıs-şarlar josparyna säikes, Şymkentte qalalyq halyqty jūmyspen qamtu ortalyǧy men qalalyq «Jastar resurstyq ortalyǧy» bırlese jūmyssyz tūrǧyndarǧa arnalǧan köşpelı bos jūmys oryndary järmeŋkesın ūiymdastyryp ötkızdı.
«Şaŋyraq» otbasy institutyn qoldau ortalyǧynda ötken järmeŋkede türlı mekemeler men käsıporyndar tarapynan 700-ge juyq tehnikalyq, pedagogikalyq jäne t.b. salalar boiynşa tūraqty bos jūmys oryndary ūsynyldy.
Sonymen qatar, ıs-şara barysynda keluşılerdı jūmyspen qamtu ortalyǧynyŋ mamandary «Eŋbek» memlekettık baǧdarlamasynyŋ tiımdılıgı men jūmyspen qamtu şaralaryna qatysu mümkındıkterın tüsındırıp, aqparattandyrdy.
Qalalyq jūmyspen qamtu jäne äleumettık qorǧau basqarmasynyŋ basşysy B.Narbekova hanym bügıngı järmeŋkede bırqatar azamattar nätijelı ärı tūraqty jūmyspen qamtylǧandyǧyn jäne de jūmys beruşı mekemelerdıŋ sūranysyna sai qajettı maman taŋdaularyna mümkındık berılgendıgın aita kele, bügıngı taŋda «Alem BT», «Azala Textile», «Gauhar tıgın fabrikasy», «Alliance» JŞS, «PetroKazakhstan» syndy ırı käsıporyndarǧa injener, dispechter, tıgınşı, mehanik, dänekerleuşı jäne t.b. tehnikalyq mamandyqtar qajet ekenın atap öttı.
Jalpy jyl basynan berı «Eŋbek» memlekettık baǧdarlamasy boiynşa 28 286 adamdy jūmysqa ornalastyru josparlansa, bügıngı taŋǧa deiın 26 013 adam qaladaǧy türlı käsıporyndar men mekemelerge jūmysqa joldanyp otyr.
Şymkent qalasynyŋ Aqparattyq-kommunikasiialyq ortalyǧy
