Bügın, Şymkent qalasy äkımınıŋ el egemendıgınıŋ 30 jyldyǧyn merekeleuge arnalǧan «Jūldyzdy 30 kün» ıs-şaralar josparyna säikes, qalalyq bılım basqarmasyna qarasty №97 jalpy orta bılım beretın mektebı kommunaldyq memlekettık mekemesınıŋ ūjymy ardager ūstazdarmen kezdesu ūiymdastyryp, ötkızdı.
Kezdesu keşıne G.Keşubaeva, Ǧ.Meirmanova, N.Alimbaeva, A.Janysbaeva, A.Jalǧasbaeva, N.Kulanbaeva, N.Berdalieva, J.Djanhodjaeva, R.Abduraiymov syndy ardaqty ūstazdar şaqyryldy. Özın-özı basqaru ūiymynyŋ müşelerı men mektep oquşylary ūlaǧatty ūstazdarǧa arnap konserttık baǧdarlama ūsyndy.
Keş qonaqtary öz kezegınde oquşylarǧa önegelı ösietterın aityp, rizaşylyqtaryn bıldırıp, aq batalaryn berdı. Kezdesude aitylǧan kelelı äŋgımelerden oquşylardyŋ ata-analaryn, ūstazdaryn qūrmetteuge degen talpynysy men Otanǧa, elge degen süiıspenşılık sezımderı artqandyǧy baiqaldy. Keşten ruhani küş-quat alǧan oquşylar qonaqtarmen estelık suretke tüsıp, erekşe äsermen tarqasty.
Şymkent qalasynyŋ Aqparattyq-kommunikasiialyq ortalyǧy
