Şymkent qalasynyŋ bılım basqarmasyna qarasty Jol-kölık kolledjınde debat klubynyŋ ūiymdastyruymen «Qazaqstannyŋ otbasylyq genderlık saiasaty: jetıstıkterı men bolaşaǧy» taqyrybynda pıkırsaiys öttı.
Pıkırsaiystyŋ maqsaty – Täuelsızdık jyldarynda Qazaqstan äielderınıŋ qūqyqtary men zaŋdy müddelerın qorǧau salasyndaǧy genderlık saiasatty jüzege asyrudy studentter arasynda keŋınen nasihattap, sarapqa salu, jastardyŋ saiasi belsendılıgı men azamattyq ūstanymyn arttyruǧa yqpal etu.
Talqylau barysynda jastar öz oilaryn aşyq ortaǧa saldy. Bırınşı tarap Qazaqstanda genderlık saiasatty damytu kerek dese, ekınşı tarap ziiandy jaqtarynyŋ bar ekendıgımen bölıstı.
Debatqa - jergılıktı kolledj oqytuşylary, studentter jäne erıktı körermender qatysyp, debatqa degen qyzyǧuşylyqtaryn jetkızıp, öz oilarymen bölıstı.
Şymkent qalasynyŋ Aqparattyq-kommunikasiialyq ortalyǧy
