Qalamyzda üş künge sozylǧan «Şymkent önımderı» jergılıktı otandyq tauar öndıruşıler körmesı öttı. Körmege jalpy 90 nan astam käsıporyn qatysyp, halyqqa öz önımderın tanystyrdy.
«Halyq taŋdauy» arqyly dauys beru qorytyndysy boiynşa eŋ köp dauys jinaǧan 10 käsıporyn jäne är sala boiynşa üzdık önım şyǧaratyn 9 käsıporyn jeŋımpaz atandy. Jeŋımpazdar qarjylai jäne baǧaly syilyqtarmen marapattaldy.
Sonyŋ ışınde, «Himiia önerkäsıbı» salasynyŋ jeŋımpazy Sūltanqūlov Qaǧanat Abdurahmanūly basqaratyn «Best Home Kz» JŞS bolyp tanyldy. «Oŋtüstık» industriialy aimaǧynda ornalasqan käsıporyn 2018 jyldan bastap ıske qosylǧan. Bügıngı taŋda, Türkıstan, Jambyl oblystarynda lak-boia önımderın şyǧaratyn sehtary da ıske qosylyp, halyqty sapaly önımmen qamtamasyz etude.
Soŋǧy 10 aidyŋ körsetkışımen 400 tonnadan astam önım şyǧarǧan lak-boia sehı «New Color» brendımen Suly-dispersiialyk boiau, akrildy boiau, laktar, akrildy jelım, sändık sylaqtar şyǧarumen ainalysady. Sapaly lak-boiau önımderın öndırudıŋ zamanaui tehnologiialary, importtyq jabdyqtar, qyzmetkerlerdıŋ joǧary bılıktılıgın alǧa tarta otyryp, qarqyndy jūmys jasauda.
Şymkent qalasynyŋ Aqparattyq-kommunikasiialyq ortalyǧy
