QR Täuelsızdıgınıŋ 30 jyldyǧy aiasynda, 1 jeltoqsan – QR Tūŋǧyş Prezidentı künıne orai Şymkent qalasy ışkı saiasat jäne jastar ısterı jönındegı basqarmasynyŋ «Qoǧamdyq kelısım» kommunaldyq memlekettık mekemesı qazaq tılınıŋ ūltaralyq qatynas tılı retınde qalyptasuyna jäne etnos balalarynyŋ memlekettık tıldı bıluge degen qūştarlyǧyn arttyruǧa baǧyttalǧan respublikalyq «Myŋ jüirık» aǧartuşylyq jobasyn ötkızdı.
Jobaǧa qatysuşylardy ırıkteu kezeŋı üstımızdegı jyldyŋ 15 qaraşa künı, saǧat 9.00-de bastau alyp, 22 qaraşa, saǧat 21.00-ge deiın onlain-formatta ötkızıldı.
Qazaqstan halqy Assambleiasynyŋ «Qazaqtanu» ǧylymi-aǧartuşylyq jobasyn ıske asyru maqsatynda ūiymdastyrylǧan jobaǧa respublika aumaǧynda tūratyn 300-ge juyq etnos balalary qatysyp, «Ertegı älemıne saiahat», «Tūlǧalar taǧlymy», «Men ūnatatyn mamandyq», «Tuǧan ölkege taǧzym» baǧyttary boiynşa öz önerlerın ūsyndy.
Qazylar alqasy tıl saiysyna qatysuşy ümıtkerlerdıŋ önerın jan-jaqty saraptai kele, on balany jeŋımpaz dep tanydy.
Almaty, Şymkent qalalary men Pavlodar, Maŋǧystau, Jambyl, Qyzylorda jäne Türkıstan oblystarynan surylyp şyqqan jeŋımpazdardy Şymkent qalasy äkımınıŋ bırınşı orynbasary Ş.Mūqan marapattap, baǧaly syilaqtar tabystady.
Şymkent qalasynyŋ Aqparattyq-kommunikasiialyq ortalyǧy
