«SHANYRAQ» ortalyǧy bır jylda 9500 otbasyǧa qoldau körsettı

Memleket basşysynyŋ tapsyrmasyna säikes, Şymkent qalasynda «SHANYRAQ» Otbasy institutyn qoldau ortalyǧy 2020 jyldyŋ 12 qyrküiek künı aşylǧan bolatyn. Sodan berı ortalyq az qamtylǧan, köpbalaly otbasylarǧa jan-jaqty qoldau körsetu baǧytynda jūmys jürgızedı. Atap aitqanda, psihologiialyq qoldau körsetu, qūqyqtyq järdem, ükımettık emes ūiymdarmen, mediasiiamen bırlesken jūmys, öz käsıbın igeruge yqpal etu, balalarǧa psihologiialyq qoldau körsetu, jūmyspen qamtuǧa järdem, densaulyq mäselelerı jäne analar men balalarǧa arnalǧan arnaiy kurstar boiynşa jüielı ıs-şaralar ötkızılude. Jaqynda, 23 mausym künı yntymaqtastyqty jüzege asyru maqsatynda ortalyqta «Nūrsät» öner mektebımen bırlesken memorandum tüzıldı. Memorandum maqsaty – memleket pen ÜEŪ arasynda tiımdı jūmys ısteitın dialog alaŋyn ūiymdastyru, äleumettık saladaǧy eŋ özektı mäselelerdı bırlese şeşu arqyly Şymkent qalasynda köpbalaly, mūqtaj otbasylarǧa jan-jaqty kömek körsetu boiynşa ıs-qimyldardy jüzege asyru. Atalǧan memorandum aiasynda «Shanyraq» ortalyǧyna tırkelgen otbasy balalaryna tegın joldamalar ūsynylyp, jūmystar jürgızılude. Köpbalaly otbasylardyŋ 40-tan astam balalary «Nūrsät» öner mektebındegı üiırmelerge tegın qatysuda. Olar horeografiia, qolöner, körkemsuret, kiım dizainy jäne t.b. üiırme türlerıne qatysyp, uaqyttaryn paidaly ötkızude. Sonymen bırge «SHANYRAQ» ortalyǧynda kün saiyn türlı kezdesuler, biznes-trening, psihologiialyq seminar jäne tegın kurstar ötkızıledı.