«Ten qogam» äleumettık keŋes beru sektorynyŋ mümkındıgı şekteulı jandarǧa kömegı mol

Şymkent qalasy Jūmyspen qamtu jäne äleumettık qorǧau basqarmasy tarapynan mümkındıgı şekteulı azamattardy äleumettık jaǧynan qoldau maqsatynda, aǧymdaǧy jyldyŋ 1 şıldesınde «Ten qogam» äleumettık keŋes beru sektory aşylǧan bolatyn. Sektordyŋ mındetterı äleumettık qyzmetter portalyn qoldanuda kömek beru, mümkındıgı şekteulı jandardy jūmysqa qabyldau boiynşa keŋester beru, jekelei süiemeldeu, psihologtyŋ kömegı jäne t.b. qyzmetter kıredı. Qysqaşa uaqyt aralyǧynda jalpy 2 274 mümkındıgı şekteulı azamatqa türlı qyzmet körsetıldı. Onyŋ ışınde, sanatorlyq - kurorttyq emdeluge joldama aluǧa ötınış tastaǧandar sany 1300-den astam. Sonymen qatar, eŋbekke qabılettı mügedek azamattardyŋ «Eŋbek» memlekettık baǧdarlamasy aiasynda jūmyspen qamtu mäselelerı de jüzege asyryluda. Atalǧan baǧdarlamamen tanysyp jūmysqa ornalasqan azamattardyŋ bırı – Tolqynai Nūrlyhanqyzy. 22 jastaǧy Tolqynai 1 - top mügedegı. Ol aǧymdaǧy jyly Politehnikalyq kolledjınıŋ «Jüielık äkımşı» mamandyǧy boiynşa bılım alǧan. Jas maman oqu bıtırgen soŋ «Ten qogam» sektoryna kelıp, mümkındıgı şekteulı azamattardyŋ jūmysqa ornalasuy boiynşa keŋes aluǧa kelgen. Keiınnen mamandar «Jastar praktikasy» baǧdarlamasy aiasynda jūmys ūsynǧan soŋ, nätijesınde 2021 jyldyŋ tamyz aiynda Jolauşylar kölıgı jäne Avtomobil joldary basqarmasynyŋ «Dispetcherlık qyzmet» ortalyǧy KMM-ne öz mamandyǧy boiynşa 6 ai merzımge jūmysqa joldandy. Aita keterlıgı, erekşe qorǧalǧan azamattar üiden şyqpai-aq elektrondyq qoltaŋbamen äleumet egov kz arqyly äleumettık qyzmetterdı aluǧa mümkındıgı bar. Äleumettık qyzmetter portalynyŋ erekşelıgı – mügedektıgı bar azamattar olarǧa qajettı oŋaltu qūraldar men qyzmetterın sapaly jäne deldalsyz erkın taŋdauǧa jäne 15 künde üige jetkızuge tolyq mükındık alady. Eger azamattar tehnikalyq oŋaltu qūralynyŋ qymbat türın taŋdaǧan jaǧdaida, üstındegı aqşasyn özı tölep aluyna bolady.