2007 jyly Elbasy – Tūŋǧyş Prezident N.Nazarbaevtyŋ jarlyǧymen Maŋǧystauda jaŋa – Mūnaily audany qūrylǧany belgılı. Būl – täuelsızdık alǧannan keiıngı elımızde qūrylǧan alǧaşqy audan boldy. Alǧaşqy kezde audan halqynyŋ sany 53 myŋ bolsa, qazır Mūnailyda 174 myŋnan astam adam tūrady. Öŋırdegı eŋ ırı jäne halyq tyǧyz ornalasqan audandardyŋ bırı de qazır osy audan.
Täuelsızdık jyldary ışınde Mūnaily audanyndaǧy pedagogtar sany 7 esege artqan. Mäselen audan qūrylǧan 2007 jyly 374 mūǧalım ǧana bolsa, bügıngı taŋda olardyŋ sany 2890-ǧa jetıp otyr. Audan qūrylǧan 14 jyl ışınde audandaǧy mektepter sany 5 ese östı. Qazır audan mūǧalımderınıŋ 80 paiyzy joǧary bılımdı. Sondai-aq täuelsızdık alǧan jyldar ışınde 1554 mūǧalım «Diplommen auylǧa» baǧdarlamasy aiasynda köterme järdemaqy taǧaiyndalsa, 627 mūǧalım biudjettık nesie alǧan.
Sonymen qatar Täuelsızdık jyldarynda Mūnaily audanynda 80 balabaqşa aşyldy. Mūnaily audany qūrylǧan 2007 jyly mūnda jalǧyz memlekettık balabaqşa jūmys ıstese, qazır 68 jeke menşık, 10 memlekettık balabaqşa bar. Jyl ötken saiyn balabaqşadaǧy tärbie jūmystarynyŋ da sapasy artyp keledı. Künı keşe Baiandy auylynyŋdaǧy «Botaqan» balabaqşasynda balalardyŋ oilau, söileu qabıletın damytatyn «Montessori» kabinetı aşyldy.
«Būl italiialyq ǧalym Mariia Mantessoridyŋ tūjyrymdasymen daiyndalǧan kabinet. Bızdıŋ balabaqşada 140 bala bolsa, sonyŋ ekeuı erekşe bılımdı qajet etedı. Bıraq mūnda kez kelgen bala kelıp, uaqyt ötkıze alady. 2 tärbieşınıŋ bılıktılıgın arttyryp, osy kabinette jūmys jürgızuge ädeiı daiyndadyq», - dedı balabaqşa meŋgeruşısı Gülmaisa Amangeldıqyzy.Egemendık alǧan jyldar ışınde Mūnailyda şaǧyn käsıpkerlık subektısı 88 paiyzǧa artqan. Sonyŋ negızınde 10 732 adam jūmyspen qamtylǧan. Audan käsıpkerlerı jalpy naryqqa temır beton plitalaryn, qiyrşyq tas jäne asfalt, penoplasttan bastap, süt, ūn, et jäne şūqyn önımderın, kökönıster ūsynuda. Sonyŋ bırı 2018 jyly qūrylǧan Maŋǧystau auylyndaǧy «Aisar Stroi Aqtau» JŞS. Kompaniia qūrylysşylarǧa beton jäne gazablog öndırumen ainalysady.
«Bız jylyna 20 myŋ tekşe metr beton jäne 5 myŋ tekşe metr gazablog öndıremız. Keler jyldan bastap üidıŋ syrtyn qaptaityn plitalardy da şyǧarudy josparlap otyrmyz. Qazır öŋırdegı bırqatar ırı qūrylys kompaniialarymen berık ärıptestık qarym qatynas ornattyq. 30 adamdy jūmyspen qamtyp otyrmyz. Aldaǧy jyly qyzmetşıler sanyn arttyrudy oilap otyrmyz», - dedı uchaske bastyǧy Erjıgıt Äbdı.
