Şymkentte «Tıl - täuelsızdık tūǧyry» atty konferensiia öttı

Qazaqstan Respublikasy Täuelsızdıgınıŋ 30 jyldyq mereitoiy qarsaŋynda Şymkentte qalalyq tılderdı oqytu-ädıstemelık ortalyǧynyŋ ūiymdastyruymen «Tıl — täuelsızdık tūǧyry» atty ǧylymi-praktikalyq konferensiiasy öttı. Oǧan qoǧam qairatkerı, tıl janaşyry Orazkül Asanǧazy, M.Äuezov atyndaǧy OQU dosentı, filologiia ǧylymdarynyŋ kandidaty Aqjol Qalşabek jäne özge de tıl märtebesı üşın ölşeusız eŋbek etıp jürgen azamattar men lingvist mamandar qatysty. Konferensiiany kırıspe sözben bastaǧan ortalyq direktorynyŋ mındetın atqaruşy Däuren Düisebaev kelesı tılderdı oqytu mekemesınde jyl basynan berı 1200 azamat därıs alǧanyn, ortalyqta qazaq tılınde memlekettık ıs-qaǧazdar jürgızu, sondai-aq orys pen aǧylşyn tılderı jäne latyn alfavitı tegın üiretıletının atap öttı. Mūnan özge mekeme ädıstemelık oqu qūraldaryn äzırleumen ainalysady. Ortalyq basşysynyŋ aituynşa, tıl salasyna qatysty ıs-şaralar QR tıl saiasatyn ıske asyrudyŋ 2020-2025 jyldarǧa arnalǧan memlekettık baǧdarlamasy şeŋberınde ıske asyryluda. Sonymen bırge kelesı jyly atalmyş mekemenıŋ qūrylǧanyna 25 jyl tolmaq. Osyǧan orai ortalyq arnaiy daiyndyq jūmystaryna kırısude. Öz kezegınde qoǧam qairatkerı Orazkül Asanǧazy Täuelsızdıktıŋ elge bergen üş jemısın atap öttı. Ol memlekettık tıldıŋ öz tūǧyryna qonuy jäne Alaştyŋ ziialy azamattary armandap ketken eldıŋ ekonomikalyq jetıstıgı men halyq sanynyŋ ösuı. — Egemendık tūsynda qazaq tılı keŋ qūlaş jaidy. Memlekettık tıl şyn mänınde qoldau tauyp, qoǧamnyŋ barlyq salasyna endıru mäselesı qarqyndy türde jürgızıldı. KSRO tūsynda Şymkenttıŋ özınde jalǧyz ǧana №7 qazaq tıldı mektep boldy. Būrynǧy Selinograd qalasyna qyzmet babymen barǧan şaǧymda 34 mekteptıŋ ışınde bıreusı ǧana qazaq tılınde bılım beretın. Bügıngı taŋda qazaq tıldı mektepterdıŋ sany orysşa oqytatyn bılım oşaqtarynan äldeqaida asyp tūsty. Osynyŋ barlyǧyn Täuelsızdıktıŋ qazaq halqyna tartqan ülken syiy dep qabyldau kerek, - dedı qoǧam qairatkerı.