QR Täuelsızdıgınıŋ 30 jyldyǧyna orai "30 jūldyzdy kün" aiasynda Şymkent qalasy bılım basqarmasyna qarasty №83 jalpy orta bılım beretın mektebınde qazaq jazba ädebietınıŋ negızın qalauşy Ūly aqyn Abai Qūnanbaiūlynyŋ qūrmetıne berılgen "Jas oqyrman" kabinetı jäne IIM qūrmettı ardagerı Bekmūrat Jarasūlynyŋ atyna berılgen "Erlık" kabinetı aşyldy.
Qos kabinettıŋ aşyluyna qalalyq mäslihattyŋ deputaty "Nur Otan" partiiasy, fraksiiasynyŋ müşesı Talǧat Baltabaev, "Nur Otan" partiiasy Qaratau audandyq filialynyŋ töraǧa orynbasary Äbdez Rahmanūly, qalalyq käsıpodaq ūiymynyŋ töraǧasy Murat Juzumbaev, qalalyq oquşylar saraiynyŋ basşysy Bakytjan Mustafaev jäne körşıles mektepterdıŋ bırınşı basşylary qatysty.
Is şara barysynda oquşylar keşegı täuelsızdık üşın küresıp yzǧarly jeltoqsanda qūrban bolǧan jastardy eske alyp, babalardyŋ erlıgı men danalardyŋ ösiet jyrlaryn aityp qonaqtardyŋ köŋılın arbap ruhani azyq syilady. "Jas oqyrman" kabinetınde oqityn oquşylar Häkım Abaidyŋ ömırınen üzındıler keltırıp, Abai obrazyn somdap körkem şyǧarmalary men änderın tartu ettı.
Kelgen qonaqtar mektep ūjymy men oquşylardy Täuelsızdıktıŋ 30 jyldyq merekesımen qūttyqtap, körsetken önerlerıne dän riza bolyp oquşylarǧa şyǧarmaşylyq tabystar tılep aq batasyn berdı.
Şymkent qalasynyŋ Aqparattyq-kommunikasiialyq ortalyǧy
