Atyrau oblysy äkımınıŋ orynbasary Baqytgül Hamenova qyzmetınen bosatylmaidy. Üi qamaqqa alynǧan şeneunıktıŋ ärıptesterı qūzyrly oryndardan resmi qauly kelmeiınşe, ony jūmystan şyǧara almaimyz dep otyr. Būl turaly KTK habarlady, dep mälımdeidı "Adyrna" ūlttyq portaly.
- Bügın jūmysta joq. Resmi organdardan, sottan eşqandai qauly kelgen joq. Eger sondai resmi qūjat kelse, äkımdık tarapynan şeşım qabyldanady, - deidı Atyrau oblysy äkımınıŋ baspasöz hatşysy Erjan Qalymbai.Oblys äkımınıŋ orynbasary Abai eskertkışıne bölıngen 150 million teŋgenıŋ 4 jarym millionyn almaq boldy degen küdıkpen ötken jūmada qamauǧa alynǧan. Onymen qosa Atyrau oblystyq mädeniet basqarmasynyŋ basşysy da ūstalǧan. Bıraq Aqylbek Rysqaliev öz kınäsın moiyndaǧany üşın qamauǧa alynbady. Al sot Baqytgül Hamenovanyŋ otbasy jaǧdaiyn eskere otyryp üi qamaqqa jıberdı. Qos şeneunıktıŋ basyna bäle bolǧan eskertkış daiyn eken. Salmaǧy bes tonna bolatyn monument 16 jeltoqsan künı aşylady dep josparlanǧan. Alaida jūma küngı jaisyz habardan soŋ 27 jeltoqsanǧa şegerılıptı. Būl jobanyŋ avtory 2019 jyly konkurs arqyly belgılı bolǧan. Bır ai būryn ǧana "Balqytu" serıktestıgımen kelısımşart jasalyp, alǧaşqy 72 million teŋgesı igerılıp qoiǧan. Al qalǧanyn keler jylǧy biudjetke josparlaǧan eken.
- Abai Qūnanbaiūlyna eskertkış ornatu mäselesı 2018 jyly Atyrau oblysy tarih jäne mädeniet eskertkışterın qorǧau komissiiasynyŋ otyrysynda qaraldy. Nūr-Sūltan qalasynda qoldau tapty. Müsınnıŋ avtory – Narytov, - deidı Atyrau oblysy tarihi-mädeni mūrany zertteu ortalyǧy basşysynyŋ orynbasary Tolybai Dostybaev.
"Adyrna" ūlttyq portaly
