Şymkent qalasynyŋ äkımı Mūrat Äitenov azamattardy jeke mäselelerı boiynşa qoǧamdyq qabyldau ötkızdı. Qabyldauǧa 11 azamat jazylyp, ötınışterın bıldırdı. Tūrǧyndar negızınen tūrǧyn üi, äleumettık sala, infraqūrylym mäselelerı boiynşa talap-tılekterın jetkızdı.
Qaratau audany Bozaryq eldı mekenınıŋ tūrǧyny Almashan Espaev Tasken şaǧynaudany tūrǧyndaryna öz esebınen auyz su jüiesın jürgızgen, ony kommunaldyq menşıkke qabyldauǧa yqpal etudı sūraidy.
Qala äkımı būl azamattyŋ ötınışın jeke baqylauyna alyp, tiıstı jūmystardy ūiymdastyrudy orynbasary Mäulen Aimanbetovke tapsyrdy. Qazır jauapty ūiym tarapynan jürgızılgen su qūbyrynyŋ syzbasy daiyndaluda. Jüienıŋ tehnikalyq qūjaty daiyn bolǧan soŋ, aumaq tūrǧyndarymen jalpy jinalys ötetın bolady. Qoǧamdyq tyŋdaudyŋ qorytyndysymen, auyz su jüiesı, qalalyq energetika jäne infraqūrylymdy damytu basqarmasynyŋ jauapkerşılıgıne ötkızılmek.
«Nūrsät» şaǧynaudanynyŋ tūrǧyny, 5 tūl jetım balanyŋ äjesı – asyrauşysy Qyzaiym Baiǧazieva tūrǧyn üi jäne äleumettık kömek beru mäselesın köterdı. Qamqorlyqtaǧy balalardyŋ ülkenı tūrǧyn üi kezegıne 2015 jyly tırkelgenı atap ötılıp, memlekettık tūrǧyn üi qorynan berıletın baspana zaŋ şeŋberınde kezek retımen tabystalatyny tüsındırıldı.
Abai audany Jailau şaǧynaudanynyŋ tūrǧyny Äigerım Orynbasarova 2018 jyldan berı baspana kezegınde tūrǧandyǧyn aityp, tūrǧyn üi aluǧa järdem beruın sūraidy.
Qala äkımı memlekettık tūrǧyn üi qorynan tūrǧyn üi belgılengen tärtıppen kezek arqyly berıletının atap öttı. Biylǧy jyly qalamyz boiynşa jetım jäne ata-anasynyŋ qamqorlyǧynsyz qalǧan balalar sanaty boiynşa 60 azamattyŋ pätermen qamtyluy josparlanǧanyn jetkızdı. Onyŋ ışınde 25 päter paidalanuǧa berılgen. Qalǧan 35 päter qūrylys basqarmasy tarapynan paidalanuǧa tapsyryluyna säikes azamattarǧa berıletının habarlady.
Sondai-aq, qala äkımınıŋ qoǧamdyq qabyldauyna jazylǧan P.Tūrbekov, G.Esmūrzaeva jer uchaskelerı boiynşa mäselelerın köterdı. Şahar basşysy tūrǧyndardyŋ ötınışterın mūqiiat tyŋdap, jer uchaskelerın zaŋdastyru boiynşa tuyndaǧan barlyq mäseleler zaŋ talaptary aiasynda şeşıletının mälımdedı.
Şymkent qalasy äkımdıgınıŋ baspasöz qyzmetı
