Şymkent qalasynyŋ äkımı Mūrat Äitenov Ortalyq kommunikasiialar qyzmetınde ötken brifingte qalanyŋ Täuelsızdık jyldaryndaǧy jetıstıkterıne toqtaldy.
«Täuelsızdık jyldary Elbasymyz Nūrsūltan Äbışūly Nazarbaevtyŋ sarabdal saiasatynyŋ arqasynda bükıl elımız, onyŋ ışınde Şymkent qalasy qarqyndy damydy. Soŋǧy otyz jylda Şymkent qalasyndaǧy halyq sany 400 myŋnan qazır 1 millionnan asty. 1991 jyly qalada 72 mektep bolsa, bügınde 202 mektep öskeleŋ ūrpaqqa bılım berude. Täuelsızdık taŋy atqanda 68 myŋ oquşy bolsa, qazırgı taŋda 250 myŋnan asatyn oquşymyz bar. Mädeniet nysandary 52-den 120-ǧa jetıp, sport nysandary 337-den 900-ge köbeidı. 90-şy jyldary qalada 27 densaulyq saqtau nysandary bolsa, qazır ol 110-ǧa jettı. Şymkent tūrǧyndarynyŋ ortaşa jasy 63,9 jastan 71 jasqa artty»,-dedı M.Äitenov.
Osy jyldar ışınde qalada önerkäsıp önım kölemı 10 mlrd. teŋgeden 670 mlrd. teŋgege artqan. Qala biudjetı 1 mlrd. teŋgeden bügıngı künde 497 mlrd. teŋgege ösken.
Şymkent qalasy äkımdıgınıŋ baspasöz qyzmetı
