QR Prezidentı janyndaǧy Ortalyq kommunikasiialar qyzmetınde ötken baspasöz konferensiiasynda Şymkent qalasynyŋ äkımı Mūrat Äitenov qalanyŋ densaulyq saqtau salasyndaǧy basty maqsat – qyzmet sapasyn arttyru ekenın aitty.
«Joldauda Prezident medisina salasynyŋ infraqūrylymyn jaqsartudy tapsyrdy. Būl baǧytta soŋǧy 2 jylda medisina mekemelerınıŋ materialdyq-tehnikalyq bazasyn jaŋartu deŋgeiı 71,5 paiyzdan 81 paiyzǧa jetetın bolady. Odan bölek, memlekettık medisinalyq ūiymdar 100 paiyz jaŋadan kompiuterlık tehnikamen qamtamasyz etıldı. Sonymen bırge, jeke investorlardyŋ esebınen 5 medisina jäne PET/KT säulelı terapiia ortalyqtary aşylady. Qazırgı taŋda ekı emhananyŋ qūrylysy, №1-şı auruhanadaǧy transplantasiia ortalyǧyn jaŋartu jūmystary jürgızılude»,-dedı M.Äitenov.
Brifing barysynda qala äkımı biylǧy jyly 1000 oryndyq klinikanyŋ qūrylysyn bastau üşın, jergılıktı biudjetten injenerlık infraqūrylymyn tartuǧa 835 mln. teŋge bölınıp, qūrylys jūmystary bastalǧanyn atap öttı.
Şymkent qalasy äkımdıgınıŋ baspasöz qyzmetı
