Şymkent qalasynyŋ äkımı Mūrat Äitenov Ortalyq kommunikasiialar qyzmetınde ötken brifingte Memleket basşysynyŋ «Qarapaiym zattar ekonomikasy» jäne «Biznestıŋ jol kartasy» baǧdarlamalarynyŋ merzımın bır jylǧa ūzartu jönındegı şeşımı käsıpkerler üşın ülken mümkındık ekenın atap öttı.
«Qalada «Biznestıŋ jol kartasy-2025» memlekettık baǧdarlamasyn jüzege asyruǧa 8,9 mlrd.teŋge bölıngen. Bügınde baǧdarlama şeŋberınde 7,8 mlrd. teŋgege 1 946 jobaǧa qoldau körsetıldı. «Qarapaiym zattar ekonomikasy» baǧdarlamasy aiasynda 2021 jylǧa 2,9 mlrd. teŋge bölındı. Bügıngı künge qūny 57,8 mlrd. teŋgenı qūraityn 70 jobaǧa 2,5 mlrd. teŋgege qoldau körsetıldı. Atalǧan jūmystar kelesı jyly da jalǧasatyn bolady. Sonymen qatar, «Men käsıpker bolamyn» jobasymen äielder men jastar käsıpkerlıgın damytu üşın jergılıktı ıs-şara jospary ıske asyryluda. Atalǧan ıs-şara aiasynda 10 mln. teŋgege deiın 1%-dyq 6 şaǧyn nesieler beru qarastyrylǧan. Būl maqsatqa jergılıktı biudjetten 1,1 mlrd. teŋge qarjy bölındı»,- dedı şahar basşysy.
«Eŋbek» nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan» memlekettık baǧdarlamasy aiasynda 1 mlrd. teŋgege 70 joba qarjylandyrylǧan.
Qalada käsıpkerlerge yŋǧaily jaǧdai jasau üşın «Bizneske arnalǧan ükımet – Shymkent Invest» käsıpkerlerge qyzmet körsetudıŋ bıryŋǧai ortalyǧy qūrylǧan. Front-ofiste käsıpkerler biznes-jospardy äzırleuden bastap jobany paidalanuǧa beruge deiıngı qyzmet tūrlerın alady. Onyŋ ışınde barlyq rūqsat beru qūjattaryn qarjylandyru jäne räsımdeu boiynşa kömek körsetedı. Bügınge front-keŋsenıŋ qyzmetıne 34 myŋnan astam azamat jügındı. Sonymen qatar, aǧymdaǧy jyly käsıpkerlerdıŋ jeŋıldetılgen nesiege qol jetkızuı üşın «Shymkent – Atameken» mikroqarjy ūiymy qūrylǧan.
Şymkent qalasy äkımdıgınıŋ baspasöz qyzmetı
