Soltústik Qazaqstan oblysynda 53 kópqabatty úı salynyp jatyr, onyń 23-i jeke qurylys salýshylar esebinen. 3,5 myń páter paıdalanýǵa beriledi. Jańa baspanany 12 myń soltústikqazaqstandyq alady.
Bul týraly Ortalyq kommýnıkaııalar qyzmetinde ótken brıfıngte óńir basshysy Qumar Aqsaqalov málimdedi.
Bıyl 340 myń sharshy metr turǵyn úı paıdalanýǵa beriledi. Aldaǵy jylǵa 400 myń sharshy metr salý josparlanyp otyr. Munyń negizi jańa jáne ótpeli jobalar bolady.
«Jas órken», «Bereke» jáne «Ortalyq» shaǵyn aýdandaryn salý jalǵasýda. Kezekte – «Qopaı» jáne «Jaǵalaý». Jańa jóndeý baǵdarlamasy apattyq jáne eskirgen turǵyn úılerdi buzýǵa múmkindik beredi. Qala boıynsha barlyǵy 1,7 myńnan astam eski jáne apatty úıler súrilip, 6 myńnan astam qala turǵynynyń turmystyq jaǵdaıyn jaqsartýǵa kómektesti. Sondaı-aq jeke turǵyn úı qurylysy da damyp keledi. «Solnechnyı-2» jáne «Iýjnyı» shaǵyn aýdandaryna barlyq qajetti ınfraqurylym júrgizilýde. Sý qubyry, joldar jáne elektr jelileri tartylyp jatyr. 3 myń daıyn jer ýchaskesi JTQ kezeginde turǵandarǵa beriledi. Aldaǵy 5 jylda 2,3 mln sharshy metr turǵyn úı salý josparlanǵan. Bul 21 myńnan astam páter. 70 myń adam óz baspanasyna ıe bolady. Bul oblystyń árbir jetinshi turǵyny. Táýelsizdik jyldarynda oblysta 5 mln sharshy metrden astam turǵyn úı paıdalanýǵa berildi», - dep qorytyndylady spıker.
"Adyrna" ulttyq portaly
