Üstımızdegı jyldyŋ 11 aiynda Şymkentke tartylǧan investisiia kölemı ötken jyldyŋ säikes kezeŋımen salystyrǧanda 55 paiyzǧa artyp, 392,4 mlrd teŋgeden asty. Būl turaly Ortalyq kommunikasiialar qyzmetınde ötken brifingte qala basşysy Mūrat Äitenov mälım ettı.
Onyŋ aituynşa, investisiia tartu maqsatynda 5 jyldyq jospar boiynşa 2,6 trln teŋgege 282 jobany ıske asyryp, 20 myŋ jūmys ornyn qūru qajet. Sonymen qatar, şaǧyn jäne orta käsıpkerlıktıŋ tiımdılıgın arttyru maqsatynda «Qarapaiym zattar ekonomikasy» jäne «Biznestıŋ jol kartasy» baǧdarlamalarynyŋ merzımın 1 jylǧa ūzartu jönınde şeşım qabyldandy. Būl käsıpkerler üşın ülken mümkındık.
«Qalada «Biznestıŋ jol kartasy-2025» memlekettık baǧdarlamalary şeŋberınde 8,9 mlrd teŋge bölıngen. Bügınde Baǧdarlama şeŋberınde 7,8 mlrd teŋgege 1 946 jobaǧa qoldau körsetıldı. «Qarapaiym zattar ekonomikasy» baǧdarlamasy aiasynda 2021 jylǧa 2,9 mlrd teŋge bölındı. Bügıngı künge qūny 57,8 mlrd teŋgenı qūraityn 70 jobaǧa 2,5 mlrd teŋgege qoldau körsetıldı. Atalǧan jūmystar kelesı jyly da jalǧasatyn bolady. Sonymen qatar, «Men käsıpker bolamyn» jobasymen äielder men jastar käsıpkerlıgın damytu üşın jergılıktı ıs-şara jospary ıske asyryluda. Atalǧan ıs-şara aiasynda 10 mln teŋgege deiın 1%-dyq şaǧyn nesieler beru qarastyrylǧan. Būl maqsatqa jergılıktı biudjetten 1,1 mlrd teŋge qarjy bölındı. «Eŋbek» nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan» memlekettık baǧdarlamasy aiasynda 1 mlrd teŋgege 70 joba qarjylandyryldy», - dedı spiker.Qalada käsıpkerlerge yŋǧaily jaǧdai jasau üşın «Bizneske arnalǧan ükımet – Shymkent Invest» käsıpkerlerge qyzmet körsetudıŋ bıryŋǧai ortalyǧy qūrylǧan. Mūnda käsıpkerler biznes-jospardy äzırleuden bastap jobany paidalanuǧa beruge deiın, onyŋ ışınde barlyq rūqsat beru qūjattaryn qarjylandyru jäne räsımdeu boiynşa süiemeldeumen bırge qyzmet körsetedı. Bügınge front-keŋsenıŋ qyzmetıne 34 myŋnan astam azamat jügındı.
