14 jeltoqsan künı Almaty qalasynda ornalasqan Adam qūqyqtary men zaŋdylyqty saqtau jönındegı Qazaqstan halyqaralyq biurosynda Qytaidaǧy jazyqsyz türmege qamalyp, ız-tüzsız ketken qazaq ziialy jastarynyŋ jaqtastary, tuystary baspasöz mäslihatyn ötkızdı, dep habarlaidy "Adyrna" ūlttyq portaly.
Baspasöz jiynyna belgılı qoǧam qairatkerı, saiasatker Rysbek Särsenbai, jazyqsyz ūstalǧan Ǧarapa Näsiollaūlynyŋ anasy Kamatan Toqtamūratqyzy, jazyqsyz türmede otyrǧan Asqar Azatbektıŋ jaqyny Gauhar Qūrmanälieva jäne qoǧam belsendılerı men jurnalister qatysty.
Qazırge deiın Qytaidaǧy qazaq qalamgerlerı arasynan Ǧarapa Näsiollaūly, Naǧyz Mūhammetūly, Qabyken Zeinūrain, Qalysbek Babanūly, Ädenbek Qamaşūly, Sarqytjan Salyqūly, Nūrbaq Biǧazin qatarly bır top azamattardyŋ qamauǧa alynǧany, türlı negızssız aiyptarmen sottalǧany nemese ız-dereksız ketkenı belgılı bolyp otyr. Şyŋjaŋdaǧy saiasi qysymǧa ūşyraǧan būdan özge de köptegen qazaq azamattarynyŋ bar ekenı anyq.
- Şynjaŋ Sanjy oblystyq 2-şı orta mekteptıŋ ädebiet pänı mūǧalımı, menıŋ kenje balam Ǧarapa Näsiollaūly 2021 jyldyŋ şılde aiynan berı ūstalyp, habarsyz kettı. Naqty qamauǧa alynu sebebın älı bılmeimız. Olar aitqan joq. Ol Qytai bilıgıne qarsy eşbır söz aityp, qylmys jasaǧan emes. Jazyqsyz. Artynda 3 jasar balasy men äielı qaldy, - deidı közıne jas alǧan anasy Kamatan Toqtamūratqyzy.
- Qytaida 2017 jyly bastalǧan qysym men qudalau pandemiia kezınde säl bäseŋsıgendei körıngenımen, qazır qaita küş alyp, ūstau men jazyqsyz türmege qamau qaita bastaldy, - deidı qoǧam belsendısı Qydyrälı Orazūly.310 künnen berı Qazaqstandaǧy Qytai elşılıgı aldynda piket ötkızıp kele jatqan top ökılı Gauhar Qūrmanälieva da osy künge deiın ne Prezident äkımşılıgı, ne SIM, ne Qytai elşılıgı bırde-bır ret şyǧyp olardyŋ būl jerde ne üşın tūrǧany jaily sūramaǧynan aitty. Jazyqsyz qamauda otyrǧan azamattardy bosatudy sūraǧan topqa osy künge deiın Qazaqstan bilıgı 4 mln. teŋge juyq aiyppūl salǧan. Qoǧam qairatkerı, saiasatker Rysbek Särsenbai: «Myŋdaǧan qazaq Qytaida qamauda otyr. Al, Qazaqstan bilıgı selt etpeidı, ony Qytaidyŋ ışkı ısı dep qarap otyr. Būl qytaiǧa bodan bolǧandyqtyŋ belgısı. Saiasi tūrǧydan da, zaŋdyq tūrǧydan da, memlekettık tūrǧyndan da Qytaiǧa täueldılıktıŋ belgısı» deidı. Qandastarǧa Qazaqstan memleket retınde eşqandai järdem bere almai otyrǧanyn aitqan saiasatker Batys elderı siiaqty sanksiialar salyp, būrynǧy jasalǧan kelısımşarttardyŋ küşın joiyp, mädeni barys-kelıstı toqtatu kerek deidı. Ol sonymen bırge Beijıŋde ötkelı jatqan qysqy Olimpiadaǧa da baikot jariialap, Qytaiǧa qysym jasaudy ūsyndy. Soŋǧy kezde Qytaida aqyn-jazuşylar, ziialy qauym ökılderı jiı qudalanyp jatqanyn aitqan saiasatker R.Särsenbai bızdıŋ elde olardy joqtaityn parlamentte, bilıkte otyrǧan ziialylar, aqyn-jazuşylar ekenın aita kelıp: «Myna ärıptesterımızdı qorǧaiyq dep bilık mınberınen bır auyz söz aituy kerek» dedı.
Qazırge deiın Qytaidaǧy qazaq qalamgerlerı arasynan Ǧarapa Näsiollaūly, Naǧyz Mūhammetūly, Qabyken Zeinūrain, Qalysbek Babanūly, Ädenbek Qamaşūly, Sarqytjan Salyqūly, Nūrbaq Biǧazin qatarly bır top azamattardyŋ qamauǧa alynǧany, türlı negızssız aiyptarmen sottalǧany nemese ız-dereksız ketkenı belgılı bolyp otyr. Şyŋjaŋdaǧy saiasi qysymǧa ūşyraǧan būdan özge de köptegen qazaq azamattarynyŋ bar ekenı anyq.
"Adyrna" ūlttyq portaly
