Elbasy qaşanda ata-baba salt-dästürın saqtaudy aldyŋǧy orynǧa qoiǧan.Bırlıktıŋ auyzbırşılıktıŋ tereŋ tamyry ǧasyrlardy artqa salyp qanymyzben kele jatqan qazaqilyǧymyzda ekenın düiım jūrtqa aitudan eşqaşan jalyqqan emes.
Jetı sany kielı san.Qazaqta «Jetı qazyna» bereke men qūt baq däulet dese, «Jetı jarǧy» ädılettıktıŋ tuy-qazaq dalasynyŋ zaŋy. Babalarymyz yqlym zamannan ädılettıkke süienıp, jüielı sözge tūrǧan, Jetı jarǧynyŋ-zaŋnyŋ üstemdıgın moiyndaǧan. Elbasynyŋ qai baǧdarlamalyq qūjatyn alsaŋyz da bır-bırımen ūştasyp, bailanys üzılmeidı. Bırınşı qūjattaǧy indikatorlardyŋ jalǧasy kelesı qūjatta jauap bolyp aldyŋyzdan şyǧady. Oqyp otyryp oidan oi tuyndaǧanyna közıŋız jetedı. Jalpy Elbasy reformalary sabaqtas ret-retımen jasalyp, kezeŋ-kezeŋge arnalyp äbden saralanyp naqty mejelerge baǧyttalǧan. Elbasynyŋ «Jalpyǧa bırdei Eŋbek qoǧamyna qarai 20 qadamy», «Bolaşaqqa baǧdar Ruhani jaŋǧyruy», «Ūly dalanyŋ jetı qyry» bärı osy «Eldıktıŋ jetı tūǧyrynyŋ» taban tırep köterıler baspaldaǧy.
Saiasi,äleumettık,ekonomikalyq tūrǧydan qarasaŋyz da astarynda otandy süiu, patriotizm jatyr. Jalaŋ ūrandy patriotizm emes şynaiylyq, elge degen süiıspenşılıkke şaqyru.
Elbasy ärdaiym halyqtyŋ oiymen sanasyp,uaqyt talabyna ūtymdy jauap beredı.Sondyqtan bolar Tūŋǧyş Prezidentımız N,Nazazarbaev 2011 jylǧy Joldauynda «Halyqtyŋ erkı bärınen de joǧary» dep halyq sözıne qūlaq asatynyn bır söilemmen-aq jetkızıp tüiındı sözdıŋ şürıppesın döp basty. Elbasy Joldaularynda qoldanylǧan evoliusiialyq damu tırkesı qoǧam damuynyŋ kriteriı bolyp qala beredı. Evoliusiialyq damu barlyq salada ret-retımen oryndalyp jatqan bolsa, tereŋ tamyry salt-dästürde,ädet ǧūrypta qazaqi bolmysta jatyr. Ūlttyq mınezben tärbie alǧan ūrpaq ruhy myqty otbasynyŋ ūstahanasynan şyqqan ötkır qaru siiaqty. Qai jerde bolmasyn ötkırlıgın körsetedı
Eldık bolmystyŋ özegın jüregınıŋ tübınde,sanasynyŋ tükpırınde, közınıŋ otynda,tılınde saqtaidy.Osylaişa namysty, ruhy asqaq ūlt qalyptasatynyn keleşektıŋ kıltı bılım men eŋbekte,ūlttyq mädeniette ekenın, özgelerdı osylaişa moiyndatuǧa bolatynyn Elbasy tasqa taŋba salǧandai,taiǧa taŋba basqandai etıp ūrpaqqa ündeu tastady.Otbasyn saqtauda ata dästürdıŋ maŋyzdylyǧyna ülken män berdı.
Künı keşegı köşpendılerdıŋ ūrpaǧy, bügıngı täuelsızdık däuırınıŋ tırı tuyndysy ūlttyq dästürmen,bılımmen qarulanǧan otanşyl namysty ūrpaqqa senımmen qaraityny quantty,öskeleŋ ūrpaqty yntalandyrdy, jyly lebızımen maŋdaiynan sipai otyryp şiratty,
ortany qaq jaryp oi saldy. Mült ketken joq. Atam qazaq atalǧaly jürıp ötken qily zamandardan, köne sürleulerden arqalanyp jetken tarihty sana süzgısınen ötkızıp, qūndylyqtarymyzdyŋ eskırmeitındıgın, jıktep, zaman talabyna qarai tolyqtyryp halyqqa jetkızdı. Öşpeitın qūndylyqtarymyzǧa Jetı tūǧyrlap baryp toqtady. Elbasy «Eldıktıŋ jetı tūǧyry» qaǧidattar jiyntyǧynda özınıŋ saiasi täjıribiesın ortaǧa saldy, täuelsız elımızdıŋ köşbasşylyǧynyŋ naqty körınısterın körsettı.
Nenı negızge alu kerek, nenı moiyndau kerek degende täuelsızdık- eŋ basty qūndylyǧymyz, täuelsızdıktı ūrpaqtan-ūrpaqqa şaiqaltpai jetkızu bärımızdıŋ paryzymyz degen nüktelı tūjyrym jasady.Täuelsızdıktı nyǧaitu halyqtyŋ özınıŋ qolynda dep qoǧamdyq sanaǧa qozǧau saldy, patriottyq sezımnıŋ şoǧyn ürledı. Elbasynyŋ eldık degen bır auyz sözı özge ūlttarǧa, ülken-kışıge, köpke oi saldy, bırlıkke, bırauyzdylyqqa, yntymaqqa şaqyrdy. Täuelsız el bolyp älemge tanyldyq,älem kartasynda Qazaqstan degen memleket paida boldy,osy uaqyt ışınde 9,5 million säbi düniege keldı dedı. Elbasynyŋ tabandylyǧynyŋ arqasynda beibıt jolmen şekaramyz şegendeldı,halyqaralyq kelısım-şarttar tüzıldı.Būl täuelsız elımız üşın ülken jetıstık,şekara belgılenıp bekıtılmese jerınıŋ kölemı boiynşa älemde 9-şy oryndamyz degen sözderımız qūr köpıru bos söz bolar edı. Resei men Qytai elderı siiaqty alpauyt eldermen şekaralaspyz.
2018 jyly Kaspii sammitınde Kaspii teŋızındegı şekaramyz aldyn-ala sarapşylardyŋ. tiıstı jūmys tobynyŋ taldauymen bes elmen ortaq kelısım arqyly şeşıldı. Täuelsızdık-jer-bırlık üştaǧan ūǧymdary ǧana bolaşaqqa tüzu jol salatyn örkendeudıŋ arqauy.
Elbasy bükıl jūrtşylyqty Ūlttar bırlıgınıŋ iadrosy- Mäŋgılık El ideiasy aiasynda ädılettı äleumettık quatty ekonomikaly qoǧam damuy jolynda Memleket Basşysy Prezidentımız Qasym-Jomart Toqaevtyŋ töŋıregıne şoǧyrlandyruǧa şaqyrdy. Qūndylyqtarymyz bärımızge ortaq degen oidy eldık degen bır-aq sözben,bır ǧana ūǧymmen jetkızdı. Eldı örkendetu üşın qazaqi bolmysymyzdy,ūlttyq mädeniettıŋ mäiegın saqtai otyryp, tereŋ bılımge,ǧylymǧa boiūsynu ony tynymsyz eŋbekpen ūştastyru ūlttyŋ örkeniettı boluyna tıkelei äserı baryn,myqty ekonomikasy damyǧan qoǧam sonda ǧana örkendeitının aitty. Osynyŋ bärı babalar mūra etıp qaldyrǧan salt-dästür,ädet-ǧūryp tärbielı otbasynyŋ, bılım men eŋbek,bäsekege qabılettılık pragmatizmdı osy jetı tūǧyrǧa jinaqtady.Bardyŋ qadırın bılu ünemdeu ūǧymdaryn bäsekege qabılettılıkpen, pragmatizmmen bailanystyrdy. Otyz eldıŋ qataryna qosyluǧa materialdyq qūndylyqtarmen qatar ruhani qūndylyq qajet dei kele, «Jetı tūǧyrdyŋ» tamyzyǧy ruhani qūndylyq ekenıne basymdyq berdı.
Osylaişa eldıktı nyǧaitudyŋ jaŋa kezeŋı bastaldy, oǧan baǧdar beretın jol sılteu kartasy- «Eldıktıŋ jetı tūǧyry»düniege keldı.
Elbasynyŋ «Eldıktıŋ jetı tūǧyry»- halyqqa joldaǧan oi ūzartary, sanany qozǧaityn ideologiialyq sipattaǧy maqsatty jospary.
Jantöreeva Kalyima
«Nur Otan» partiiasy Türkıstan oblystyq filialy töraǧasynyŋ orynbasary, Oblystyq mäslihattyŋ deputaty
