Şymkentte el Täuelsızdıgınıŋ 30 jyldyǧyna orai 2 myŋǧa juyq tūrǧyny bar Şaŋyraq şaǧynaudanynda memlekettık-jekeşelık ärıptestık aiasynda jaŋa- «Dariia-Medikus» alǧaşqy sanitarlyq-medisinalyq kömek ortalyǧy aşyldy. Emhananyŋ aşylu saltanatyna qala äkımı Mūrat Äitenov qatysty.
Bır auysymda 550 kısı qabyldai alatyn emhanada alǧaşqy medisinalyq-sanitarlyq, konsultativtı-diagnostikalyq, kündızgı stasionar, fizioterapiia, oŋaltu sekıldı kömek türlerı körsetıledı. MRT, KT, rentgen, mammografiia jäne özge de zamanaui ülgıdegı medisinalyq qūral jabdyqtar ornatylǧan.
Reabilitasiialyq bölımşe sūranysqa ie jäne özektı baǧyttar boiynşa, atap aitqanda pulmonologiia, kardiologiia, nevrologiia, travmotologiia, ortopediia jäne passivtı, biologiialyq kerı bailanysy bar intellektualdyq jüielermen jabdyqtalǧan. Nauqastardy qoldau qyzmetı men audittıŋ belsendı jūmysy halyqqa medisinalyq järdem beru sapasyn, qol jetımdılıgın baqylauǧa mümkındık beredı.
Emhanany aralap körgen qala basşysy: «memlekettık-jekemenşık ärıptestık medisina salasynda da oŋ nätijesın berude. Mūndai keşender qala aumaǧyn medisinalyq qyzmettermen tolyq qamtuǧa mümkındık beredı. Bügınde megapolisımız elımızdıŋ medisina ortalyǧyna ainalu mümkındıgıne ie. Ol üşın densaulyq saqtau mekemelerın medisinalyq öndırıs oryndarymen bailanystyra otyryp, bılıktı kadrlar daiyndau mäselesıne asa köŋıl böluımız qajet» -dedı.
Būl medisinalyq ortalyq ırgeles jatqan Şaŋyraq, Bazarqaqpa, Abdulabad, Tūrdyabad, Badam-1, tūrǧyn alaptarynyŋ 25 myŋdai tūrǧynyna da qyzmet körsetuge qauqarly. Emhana Şaŋyraq şaǧynaudany 249-jer telımınde ornalasqan.
Şymkent qalasy äkımdıgınıŋ baspasöz qyzmetı
