Qazaqstan Respublikasynyŋ Täuelsızdıgınıŋ 30 jyldyǧy aiasynda balalarǧa arnalǧan aşyq esık künı «Asar» şaǧyn audanynda ornalasqan Şymkent qalalyq klinikalyq auruhanasynda ūiymdastyryldy.
Taŋǧy saǧat 9.00-den bastap 14.00 aralyǧynda därıgerler jas pasientterdı qabyldap, keŋes berdı. Qaraluǧa kelgen balalardyŋ köŋıl-küiın köteru üşın arnaiy animatorlar men ertegı keiıpkerlerı şaqyrtylǧan. Köŋılderı köterılgen balalar analarymen beiındı mamandardyŋ qabyldauynda bolyp, UDZ men zerthanalyq tekserulerden öttı.
Aşyq esık künı jalpy 150 den astam bala qalalyq densaulyq saqtau basqarmasynyŋ ştattan tys bas mamandarynyŋ, iaǧni, epileptolog, nefrolog, kardiolog, travmatolog därıgerlerınıŋ qabyldauynda bolyp, diagnostikalyq jäne zerthanalyq tekserulerden öttı.
Şymkent qalasynyŋ Aqparattyq-kommunikasiialyq ortalyǧy
