Doǵaryńdar,
Jeter endi,
Toqtatyńdar mazaqty!
Belden basyp betegemdi,
Qorladyńdar Qazaqty.
Bul ne degen táýbesi joq,
Bitpeıtuǵyn dańǵaza?!
Kóz arbaıtyn sáýlesi kóp...
Bári ótirik,
Dalbasa.
Kúdik penen kúmán jupty,
Syrbaz - syrdy saqtaý bar.
Mezi qyldy myna jurtty,
Marapat pen maqtaýlar.
Saýyq-saıran kórgenderiń,
Opa tapqan kim odan?!
Taqqan medal, ordenderiń,
Qutqarmaıdy kúnádan.
Kókirekter – suraq tunǵan,
Kóńilderdi qozǵasyn.
Kim súrtedi,
Jylap turǵan,
Jeltoqsannyń kóz jasyn?!