ŞYMKENT ŞYRAILY ŞAHAR

Şymkent – Qazaqstannyŋ köne qalalarynyŋ bırı. Tarihi derekterge süiener bolsaq, qala b.z.d. II ǧasyrda salynǧan. Şymkent qalasy Ūly Jıbek Joly keruen köşınıŋ jolynda ornalasqan. Köptegen jyldardan berı köne qalada ǧylymi zertteu jūmystary jürgızılıp, şetelden keletın turisterdıŋ sanynda şek bolmaidy. Halyq sanynyŋ kölemı jaǧynan Şymkent qalasy bükıl respublika boiynşa üşınşı orynda. Alaida, beiresmi mälımetter boiynşa, Şymkent qalasynda halyq sany äldeqaida köp. Sebebı, qalada alys-jaqyn şetelden kelgen, tırkeuden ötpegen migranttar tūrady. Şymkent qalasy – qazaq elınıŋ sauda, mädeniet, önerkäsıp ortalyqtarynyŋ bırı. Qalada qazaq, slavian, özbek, tatar, nemıs, evrei, korei, poliak, başqūrt, äzırbaijan t.s.s. 19 ūlttyŋ mädeniet ortalyqtary jūmys ısteidı. Qalanyŋ körıktı mekenderınıŋ bırı — ortalyq saiabaqtar. Üş saiabaq 19-ǧasyrda salynǧan. Bır saiabaq Şämşı Qaldaiaqov atyndaǧy oblystyq filarmoniia aiasynda ornalasqan. Sondai-aq, Abai atyndaǧy demalys jäne mädeniet saiabaǧy, «Keŋ-baba» etnografiia saiabaǧy, Dendro saiabaq, zoobaq, ippodrom, «MegaCenter» oiyn-sauyq jäne sauda keşenı, «Nimex Land», «Bamzik» oiyn-sauyq ortalyqtary qala tūrǧyndary men qonaqtarynyŋ jaily demalysy üşın üzdıksız qyzmet körsetedı. Önersüier qauym üşın Orys Drama teatrynyŋ esıgı aşyq. Teatr sahnalarynda qazaq jäne şetel klassikterınıŋ şyǧarmalarynyŋ jelısımen qoiylǧan spektaklder körsetıledı. 2011 jyly  Şymkent qalasynda 353 öndırıstık käsıporyn tırkelgen. Onyŋ ışınde 74 ırı jäne orta önerkäsıp käsıporyn, 243 şaǧyn käsıporyn, 36 qosalqy käsıporyn. Qalada kölık jasau, himiia, ken öndıru, taǧam t.b. önerkäsıp oryndary qarqyndy damu üstınde.