Şymkent qalasy äkımınıŋ orynbasary Erǧali Bılısbekov tūrǧyndardy jeke mäselelerı boiynşa onlain qabyldady. Qabyldauda köpbalaly jäne tolyq emes otbasy, mügedek bala tärbieleuşı jäne mügedek sanatyndaǧy azamattar boldy.
Tūrǧyndardy tolǧandyrǧan baspana kezegı mäselesı jan-jaqty talqylanyp, qajettı mälımetter deregı aityldy. Azamattar özderın alaŋdatqan saualdaryna tiıstı jauap aldy.
Qala basşysynyŋ orynbasary qabyldauda bolǧan är azamattyŋ mäselesın jeke tyŋdap, nazarǧa aldy. Basqarma basşylaryna tiıstı tapsyrmalar berıldı.
Biyl qalada 976 otbasyny arendalyq pätermen qamtu josparlanǧan. Bügınde 813 otbasy pätermen qamtylyp otyr. Onyŋ ışınde ata-anasynyŋ qamqorlyǧynsyz qalǧan 60 bala, 240 köpbalaly otbasy, halyqtyŋ äleumettık jaǧynan älsız toby 212 jäne jūmys ısteitın 300 jas bar. Qalǧan päterler tūrǧyn üi kezegıne tırkelgen azamattarǧa tūrǧyn üilerdıŋ paidalanuǧa berıluıne bailanysty ülestırıletın bolady.
Baspanaǧa mūqtaj azamattarǧa jeŋıldetılgen ipotekalyq nesieler boiynşa da qoldau körsetılude. «Baqytty otbasy» baǧyty boiynşa biyl qalada 255 otbasy, atap aitqanda 104 köpbalaly, 133 mügedek bala asyrauşy jäne 18 tolyq emes otbasy nesie negızınde baspanaǧa ie boldy. Onyŋ ışınde 152 otbasyǧa jergılıktı biudjet esebınen alǧaşqy jarnasynyŋ bır bölıgın jabu üşın 1 million teŋgelık tūrǧyn üi sertifikattarymen kömek berıldı.
Al Tūran şaǧyn audanyndaǧy 27 köpqabatty üi (1728 päter) «5-10-20 Şaŋyraq» baǧdarlamasy aiasynda tūrǧyn üi alu tızımınde tırkelgender azamattarǧa «Otbasy bankı» arqyly nesie negızınde ülestıru közdelgen.
11 aida «Şaŋyraq» jeŋıldetılgen nesielık baǧdarlamasy boiynşa 1427 otbasymen kelısım şart tüzılgen. Onyŋ ışınde 267 otbasyǧa tūrǧyn üi sertifikaty berıldı.
QR «Tūrǧyn üi qatynastary turaly» Zaŋyna säikes memlekettık tūrǧyn üi qorynan berıletın üiler tek kezek arqyly jüzege asyrylady.
Şymkent qalasy äkımdıgınıŋ baspasöz qyzmetı
