Şymkent qalasy äkımı janyndaǧy äielder ısterı jäne otbasylyq-demografiialyq saiasat jönındegı komissiianyŋ otyrysy öttı. Qala äkımınıŋ bırınşı orynbasary, komissiia töraǧasy Şyŋǧys Mūqannyŋ jetekşılıgımen ötken mäjılıske qūzyrly memlekettık organ basşylary jäne jergılıktı ükımettık emes ūiymdardyŋ ökılderı qatysty.
Şyŋǧys Jūmabekūly jinalysqa qatysuşylardy memlekettılıktıŋ tūǧyry bolǧan Täuelsızdık künımen qūttyqtap, Memlekeketımızdıŋ qalyptasuy men damuyndaǧy äielder rolın erekşe atap öttı.
«Elımız egemendıkke qol jetkızgen tūsta näzık jandy arularymyz ot basy, oşaq qasynda qalyp qoimai, elımızdıŋ qoǧamdyq-saiasi ömırıne belsene aralasty. Bügıngı taŋda Qazaqstan äielderı äleumettık jobalardy äzırlep, ıske asyruda, zaŋnamalyq aktılerdı talqylap, qabyldauda, käsıpkerlık qyzmette belsendılık tanytyp keledı. Äielderdıŋ mūndai ūstanymyn memleket te qoldap, yntalandyryp otyrady. Memleket basşysynyŋ «Halyq bırlıgı jäne jüielı reformalar – el örkendeuınıŋ berık negızı» atty Qazaqstan halqyna Joldauynda qoiylǧan mındetter memlekettık jäne jergılıktı atqaruşy organdardan qazaqstandyq otbasylardyŋ äl-auqatyn jaqsartu jäne äielderdıŋ qūqyqtary men mümkındıkterın keŋeitu üşın joǧary jauapkerşılık pen üilesımdı ıs-qimyldy talap etetının atap öttı»,-dedı komissiia töraǧasy.
Komissiia otyrysynda Qazaqstan Respublikasyndaǧy 2030 jylǧa deiıngı otbasylyq jäne genderlık saiasat tūjyrymdamasyn ıske asyru boiynşa polisiia departamentı bastyǧynyŋ bırınşı orynbasary, polisiia polkovnigı M.Altaevtyŋ, Şymkent qalasy boiynşa qylmystyq-atqaru jüiesı departamentınıŋ İCh-167/4 mekemesınıŋ basşysy, ädılet podpolkovnigı A.Adilbekovanyŋ, QR sybailas jemqorlyqqa qarsy ıs-qimyl agenttıgınıŋ Şymkent qalasy boiynşa departamentınıŋ ökılı J.Äljanovanyŋ, Jūmyspen qamtu jäne äleumettık qorǧau basqarmasynyŋ basşysy B.Narbekovanyŋ jäne Abai audany äkımınıŋ orynbasary, audandyq komissiia töraǧasy Ǧ.Köşıkbaevtyŋ baiandamalary tyŋdaldy.
Jiyn qorytyndysy boiynşa kün tärtıbınde qaralǧan mäseleler men habarlamalar negızınde ısker äielderge qoldau körsetu, äielderdıŋ qoǧamdyq bastamalaryn ılgerıletu, otbasylylyq tälım-tärbienı jolǧa qoiu syndy mäseleler boiynşa tiıstı memlekettık organdarǧa ūsynystar berıldı.
Şymkent qalasy äkımdıgınıŋ baspasöz qyzmetı
