Aqtauda kommunaldyq bazar men avtovokzaldyŋ qūrylysy bastaldy

Bügın 15 jeltoqsan künı Memleket basşysynyŋ tapsyrmasyna säikes Aqtauda kommunaldyq bazar men avtovokzaldyŋ qūrylysy bastaldy. Ortalyqta jergılıktı şarualarǧa öz önımderın deldalsyz satuy üşın sauda oryndary ūsynylyp, qalaaralyq jäne qala maŋyndaǧy baǧyttarǧa qyzmet körsetetın kölıkter tūraǧy bolady, - dep habarlaidy Aqtau qalasy äkımınıŋ baspasöz qyzmetı. Prezident Qasym-Jomart Toqaev 22 qyrküiekte Maŋǧystau oblysyna kelgen saparynda öŋırdıŋ äleumettık-ekonomikalyq damuy jönındegı jiynda infliasiia deŋgeiınıŋ joǧary ekenın, mūnyŋ azyq-tülık tauarlary baǧasynyŋ tez ösuıne äser etıp jatqanyn atap ötken edı. Azyq-tülık baǧasynyŋ qymbattauyn toqtatu üşın auyl şaruaşylyǧy önımderıne tolyq qol jetımdı ärı retke keltırılgen sauda alaŋdaryn aşu kerektıgın tapsyrǧan bolatyn. - Oblys äkımı Prezident tapsyrmasyna säikes bırqatar naqty mındetter jüktedı. Qūny 1,5 mlrd. teŋge bolatyn jobany jüzege asyratyn investorlar tabylyp, 36 şaǧyn audannan jer uchaskesı berıldı. Jobanyŋ basty maqsaty – bäsekelestıktı arttyru arqyly azyq-tülık baǧalarynyŋ negızsız ösuın boldyrmau. Būl öz kezegınde deldalsyz önım satu arqyly tūtynuşylar üşın baǧany tūraqtandyruǧa oŋ äser etedı. Mūnda salynatyn qūrǧaq qoima, toŋazytqyş jäne mūzdatqyş qoimalarǧa jylyna 73 myŋ tonna önım saqtalatyn bolady. İnvestor joba aiasynda 250 jaŋa jūmys orny qūrylady dep kütılude,-dedı Aqtau qalasynyŋ äkımınıŋ orynbasary Erbol Izbergenov. Jalpy audany 15 ga tūratyn ortalyqtyŋ 9,4 ga kommunaldyq bazar üşın, 5,6 ga avtovokzal üşın bölıngen. Qala boiynşa bügıngı künge deiın qalalyq jäne qalalaralyq baǧytta qatynaityn qoǧamdyq kölıkter üşın avtovokzal bolǧan joq. Syiymdylyǧy 750 oryndyq avtovokzalda jolauşylar terminaly da boi köteredı. Terminal bır uaqytta 500 adamǧa deiın qabyldai alady. Osylaişa aimaqtyŋ logistika salasynyŋ damuyna oŋ äserın tigızbek. Kommunaldyq bazar men avtovokzal 2024 jyly ıske qosylady dep josparlanuda.