KHDR negızın qalauşy jäne bırınşı köşbasşysy Kim İr Sennıŋ ınısı Kim Ion Chju 101 jasynda qaitys boldy. Būl turaly 15 jeltoqsanda Ionhap agenttıgı soltüstıkkoreialyq BAQ-qa sılteme jasap mälımdedı, dep habarlaidy "Adyrna" ūlttyq portaly.
Onyŋ aituynşa, eldıŋ qazırgı basşysy Kim Chen Yn 14 jeltoqsanda gül şoqtaryn joldap, köŋıl aitty. Aqparat uaqyty turaly derek joq.
Kim Ion Chju 1920 jyly düniege kelgen, Kim İr Sen bilıkke kelgennen keiın bırqatar basşylyq qyzmetterdı atqarǧan. Atap aitqanda, ol Koreianyŋ jūmysşy partiiasynyŋ yqpaldy Ūiymdastyru bölımın basqardy, bıraq 1973 jyly onyŋ ornyna Kim İr Sennıŋ ūly Kim Chen İr keldı. 1993 jyly Kim Ion Chju saiasatqa qaita oralyp, Saiasi Biuronyŋ müşesı boldy, al 1998 jyldan bastap Joǧarǧy Halyq Jinalysy (Parlament) Tūraqty komitetı töraǧasynyŋ qūrmettı orynbasarynyŋ qyzmetın atqardy.
«Maŋyzdy partiialyq jäne ükımettık qyzmetterdı atqarǧan Kim Ion Chju Eŋbek partiiasynyŋ baǧytyn jüzege asyru üşın janqiiarlyqpen küresıp, sosialistık qūrylysty jedeldetu men korei ülgısındegı äleumettık jüienı damytuǧa üles qosty», - dep keltıredı Ionhap.
"Adyrna" ūlttyq portaly
Ūqsas jaŋalyqtar
