Seulde Qazaqstan Prezidentı Qasym-Jomart Toqaev Koreia azamattaryn marapattady. Saltanatty räsımde Memleket basşysy ekı el arasyndaǧy dostyq pen strategiialyq serıktestıktıŋ maŋyzyn atap öttı. Marapattalǧandar arasynda professor, zertteuşıler, qoǧam jäne memleket qairatkerlerı bar, dep habarlaidy "Adyrna" resmi mälımetke süienıp.
Prezident qazaq jäne korei halyqtarynyŋ özara qūrmetı men dostyq qarym-qatynasy berık ekenın aitty. Onyŋ sözınşe, geografiialyq qaşyqtyqqa qaramastan, Qazaqstan men Koreiany ortaq müdde men özara senım bailanystyrady.
"Ekı eldıŋ arasy alşaq bolǧanymen, bızdı özara qūrmet pen ortaq müdde jaqyndastardy. Koreia ekonomikasy ainalasyndaǧy bäsekelestık pen syn-qaterlerge qaramastan oidaǧydai damuda. Būl – halyqtyŋ eŋbekqorlyǧy men ırı käsıpkerlerdıŋ arqasy. Qazaq halqy men bilık ökılderı dostas Koreia elıne şynaiy syilastyqpen qaraidy. Koreia Respublikasy – Qazaqstannyŋ strategiialyq serıktesı. Bız Koreiany halyqaralyq abyroi-bedelı zor memleket retınde bılemız. Bügınde memleketterımızdıŋ san qyrly yntymaqtastyǧy jyl sanap nyǧaiyp keledı. Osydan bes jyl būryn Keŋeitılgen strategiialyq serıktestık turaly mälımdeme qabyldaǧan edık", – dedı Qasym-Jomart Toqaev.
Prezident ekı el arasyndaǧy mädeni-gumanitarlyq bailanystyŋ da erekşe maŋyzǧa ie ekenın aitty. Qazaqstandaǧy korei diasporasynyŋ qazaq-korei qarym-qatynasyn damytuǧa qosyp otyrǧan ülesı joǧary ekenın atap öttı.
Bügınde Qazaqstanda jüz myŋnan astam etnikalyq korei tūrady. Korio-saram qauymdastyǧy eldıŋ qoǧamdyq jäne ekonomikalyq ömırıne belsendı aralasyp, qoǧamdyq kelısım men tūraqtylyqty nyǧaituǧa üles qosyp keledı. Qazaqstanda korei mädeni ortalyqtary jūmys ısteidı, Almatydaǧy akademiialyq korei teatry öner körsetedı. Sonymen qatar korei tılınde gazet pen radiohabarlar şyǧarylady.
Qasym-Jomart Toqaev marapat ielerıne alǧysyn bıldırıp, olardyŋ ekı el arasyndaǧy dostyq pen yntymaqtastyqty nyǧaituǧa qosqan ülesın joǧary baǧalady.
«Dostyq» ordenı Koreia Respublikasy Ūlttyq jinalysynyŋ 22-şaqyrylym deputattary Men Son Giu men Li Chje-kanǧa, Seul kiberuniversitetınıŋ prezidentı Li San Giunge tabystaldy.
Sondai-aq Hanguk şet tılderı universitetınıŋ professory, Ortalyq Aziiany zertteu institutynyŋ direktory Son Ion Hun marapattaldy. Ol 20 jyldan berı qazaq tılınen sabaq berıp, Qazaqstannyŋ tarihy men mädenietın Koreiada nasihattap keledı.
Būdan bölek, Hyundae General Hospital köpbeiındı klinikasynyŋ direktory Kim Bu Sop II därejelı «Dostyq» ordenıne ie boldy.
Prezidenttıŋ aituynşa, būl marapattar Koreianyŋ körnektı tūlǧalaryna Qazaqstan halqynyŋ şynaiy qūrmetı men rizaşylyǧynyŋ belgısı. Memleket basşysy marapat ielerı aldaǧy uaqytta da qazaq-korei bailanystaryn damytuǧa üles qosaryna senım bıldırdı.
