El Täuelsızdıgınıŋ 30 jyldyǧyna orai Äl-Farabi atyndaǧy qalalyq ǧylymi-ämbebap kıtaphanasynda türlı salada eŋbek etken ardagerler bas qosty. Qalanyŋ örkendeuıne üles qosqan el aǧalaryna Şymkent qalasy äkımınıŋ bırınşı orynbasary Ş. Mūqan «QR Täuelsızdıgıne 30 jyl» merekelık medalın tabys ettı.
— Yntymaq pen bırlıktıŋ arqasynda elımız ötpelı kezeŋnıŋ qiyndyqtaryn sättı eŋserıp, derbes damu men örkendeu jolyna tüstı. Sızder Täuelsızdıktıŋ alǧaşqy jyldaryndaǧy eŋ kürdelı kezeŋderdı, syndarly şaqtardy bastan ötkızdıŋızder. Ötpelı kezeŋnıŋ barlyq auyrtpalyqtaryn kötere bıldıŋızder! Sol arqyly osyndai täuelsız ūrpaqtyŋ qalyptasuyna jaǧdai jasadyŋyzdar! Täuelsızdık jyldarynda Şymkent qalasy da bükıl elımızben bırge damu men örkendeudıŋ jaŋa satysyna köterılgenı barşaǧa mälım. Qajyrly eŋbekterıŋız arqyly qalamyzdyŋ äleumettık-ekonomikalyq damuyna ülken üles qostyŋyzdar! Bügın Sızderge tabys etılıp otyrǧan memlekettık nagradalar men marapattar elge sıŋırgen eŋbekterıŋızge berılgen laiyqty baǧa!- dedı Şyŋǧys Jūmabekūly. Jiyn barysynda memleket jäne qoǧam qairatkerı Ş. Myrzahmetov jiynǧa kelgen el aǧalaryn merekemen qūttyqtady.
A. QŪLJANOV Surettı tüsırgen S. QOSAEV
