Äl-Farabi atyndaǧy qalalyq ǧylymi-ämbebap kıtaphanasynda el Täuelsızdıgınıŋ 30 jyldyǧyna orai jaryq körgen "Ǧasyrǧa bergısız 30 jyl" kıtabynyŋ tūsaukeserı öttı. Jiynǧa Şymkent qalasy äkımınıŋ bırınşı orynbasary Ş.Mūqan jäne qalanyŋ damyp-örkendeuıne üles qosqan ardagerler qauymy qatysty.
— Sızderdı täu eter Täuelsızdıgımızdıŋ 30 jyldyq merekesımen şyn jürekten qūttyqtaimyn! Yntymaq pen bırlıktıŋ arqasynda elımız ötpelı kezeŋnıŋ qiyndyqtaryn sättı eŋserıp, derbes damu men örkendeu jolyna tüstı. Sızder Täuelsızdıktıŋ alǧaşqy jyldaryndaǧy eŋ kürdelı kezeŋderdı, syndarly şaqtardy bastan ötkızdıŋızder. Ötpelı kezeŋnıŋ barlyq auyrtpalyqtaryn kötere bıldıŋızder! Sol arqyly osyndai täuelsız ūrpaqtyŋ qalyptasuyna jaǧdai jasadyŋyzdar!
Sonymen qatar bügın bız «Ǧasyrǧa bergısız 30 jyl: tūǧyrly tūlǧalar estelıkterı» atty kıtaptyŋ tūsauyn kesemız. Şymkent qalalyq ardagerler ūiymynyŋ jäne onyŋ töraǧasy Kenjehan Tölebaev aǧamyzdyŋ jinaqtauymen jaryq körgen būl kıtapta Şymkent qalasynda är jyldary jauapty qyzmetter atqaryp, qalanyŋ damuy men örkendeuıne üles qosqan azamattardyŋ estelıkterı jinaqtalǧan.
Kıtapta şahardyŋ 30 jyldaǧy damu şejıresı baiandalǧan,- dedı Şyŋǧys Jūmabekūly.
Saltanatty şara barysynda türlı salada eŋbek etken ardagerlerge «QR Täuelsızdıgıne 30 jyl» merekelık medalı tabys etıldı. «Ǧasyrǧa bergısız 30 jyl» jinaǧy Şymkent qalalyq ardagerler keŋesınıŋ töraǧasy K. Tölebaevtyŋ jinaqtauymen, QR Jurnalister Odaǧynyŋ müşelerı S. Orazalyūly men
N. Orymbaidyŋ redaksiialauymen jaryq körıp otyr.
Aita keteiık, kıtap üş bölımnen tūrady. Alǧaşqy bölımge memleket jäne qoǧam qairatkerlerı, oblys, qala basşylarynyŋ, ekınşı bölımde qūqyq qorǧau salasy ardagerlerınıŋ, üşınşı bölımde mädeniet, bılım, densaulyq salasy mamandarynyŋ estelıkterı toptastyrylǧan.
Zamira ALDABERGENOVA Surettı tüsırgen S. QOSAEV
