Qazaqstan elordasy Nūr-Sūltan qalasynda «Saryarqa» velotregınde Astana Qazaqstan Team käsıbi velokomandasynyŋ 2022 jyl mausymyna arnalǧan resmi tūsaukeserı öttı. Is-şara Qazaqstan Respublikasynyŋ 30 jyldyǧyna orailastyrylǧan.
Sport direktorlar qūramy:
Aleksandr ŞEFER (Qazaqstan), Djuzeppe MARTİNELLİ (İtaliia), Dmitrii FOFONOV (Qazaqstan), Bruno ChENIаLTA (İtaliia), Sergei IаKOVLEV (Qazaqstan), Stefano ZANİNİ (İtaliia), Mario MANSONİ (İtaliia), Orlando MAİNİ (İtaliia).
«Astana» käsıbi sport klubynyŋ bas serıktesı – «Samūryq-Qazyna» ŪÄQ» AQ, qūryltaişysy – Turizm industriiasy men sportty qoldau qory
Älemdık Turda 17-şı mausymdy bastauǧa daiyndalyp jatqan komandanyŋ jaŋa qūramyna älemnıŋ jetı elınen (Qazaqstan, İtaliia, Kolumbiia, İspaniia, AQŞ, Belarus, Oŋtüstık Afrika) 29 şabandoz kırdı.Ötken mausymda üş ret jeŋıs tūǧyryna köterılgen jäne «Tur de Frans» köpkündıgınıŋ jalpy esebınde 7-şı orynǧa ie bolǧan Aleksei Lusenko (Qazaqstan), «Djiro d'İtaliia» men «İspaniia Vuelta» qola jüldegerı Migel Anhel Lopes (Kolumbiia), grand-turdyŋ üş dürkın jeŋımpazy (Astana» komandasynyŋ qūramynda ekı ret «Djiro d'İtaliia» men bır «Tur de Frans») Vinchenso Nibali (İtaliia), klassikalyq velobäige şeberı, ötken mausymda ekı ret jeŋıske jetken jäne tartysqa toly «Parij-Rube» jarysynda 4-şı orynǧa ie bolǧan Djanni Moskon (İtaliia) komanda köşbasşysy atandy.
23 jasqa deiıngı şabandozdar arasynda Qazaqstan chempiony Nūrbergen Nūrlyhasym men «Gran Premio della Liberasiia» bır kündık jarysynyŋ jeŋımpazy, italiialyq Mişel Gadzoli jaŋa mausymda komanda qūramyna engen jas sportşylar retınde tanystyryldy.Komanda köşbasşylarynyŋ, sondai-aq komandanyŋ basqa müşelerı qatysatyn jarys küntızbesı 4-19 jeltoqsanda İspaniiada ötetın komandanyŋ daiyndyq jattyǧu jiynynda anyqtalady.
Astana Qazaqstan Team bas sport direktory, otandyq maman Aleksandr Şefer, sport direktorlar Mario Manzoni men Orlando Maini (ekeuı de - İtaliia) bapkerler tızımıne endı.Aldaǧy mausymda veloūjym qūramyn jaŋartyp qana qoimai jarys jolyna jaŋa Astana Qazaqstan Team atauymen şyǧady.
Qazaqstan - Qazaqstannyŋ aǧylşyn transkripsiiasyndaǧy eŋ däl jäne dūrys atau. Qazaqstan - halyqaralyq sport arenada ǧasyrlyq dästürdı, tıldı, mädeniet pen eldıŋ qazırgı älemdegı damu strategiiasyn bırıktırgen jaŋa brend.«Transferlık kezeŋdegı qiyndyqtarǧa qaramastan, mausym aldynda joǧary jetıstıkterge jetuge qauqarly jäne komandany jeŋıske jıgerlendıretın bırqatar şabandozdarmen kelısımge keldık. Bırneşe myqty köşbasşylarmen qoş aitysqanymyzben deŋgeiı joǧary şabandozdardy qatarǧa qostyq. Komanda jaŋartyldy, bıraq bız janküier bılıp üirengen «Astana» komandasy bolyp qala beremız, bızdı älem tanidy. Vinchenso Nibali, Migel Anhel Lopes pen Andrei Zeis syndy şabandozdardyŋ oraluy komandaǧa qosymşa sporttyq tūraqtylyq pen öz küşıne degen senımdılıktı beredı. Djanni Moskon, Djo Dombrovski, David De La Krus, Valerio Konti jäne basqa da sportşylardyŋ keluı maqsatymyzdy aiqyndai tüstı, jaŋa mümkındıkter aşty. Al Aleksei Lusenko siiaqty köşbasşylar komandanyŋ betke ūstarlary, onyŋ negızın qalauşylar. Şabandozdarmen qatar bapkerler qūramyn da küşeittık, otandyq maman Aleksandr Şeferdıŋ älı de bererı mol. Bügın Qazaqstan Täuelsızdıgınıŋ otyz jyldyǧy qarsaŋynda Nūr-Sūltanda tanystyrylǧan komanda jaŋa mausymda tolaǧai tabysqa jetetın jäne Astana Qazaqstan Team namysyn abyroimen qorǧaityn myqty ūjym bolady dep senemın», - dedı Astana Qazaqstan Team komandasynyŋ bas menedjerı Aleksandr Vinokurov. «Qazaqstan Täuelsızdıgınıŋ otyz jyldyq mereitoiyna bırneşe kün qalǧanda Astana Qazaqstan Team komandasynyŋ resmi tūsaukeserı elordamyz Nūr-Sūltan qalasynda ötkenı erekşe mänge ie. Şynynda da, älemdık pelotonda öz orny bar komandada jaŋa serpın paida boldy. Köşbasşylar janküierlerge jaqsy tanys, jaŋadan qosylǧandar da özderın basqa jobalarda joǧary deŋgeide körsetkender. Jastyq pen täjıribenıŋ üilesımı, joǧary motivasiia jäne jeŋıske degen jıger – jaŋa mausymda komandany alǧa süireitın maŋyzdy qajettılıkter. Ūlttyq velosport federasiiasynyŋ prezidentı retınde komanda sapynda qazaqstandyq şabandozdardy körgenıme quanyştymyn. Jas şabandoz Nūrbergen Nūrlyhasym men qazaq sportyna eŋbegı sıŋgen Andrei Zeiske qoş keldıŋızder degım keledı! 17-şı mausymda komandaǧa sättılık tıleimın!», - dedı Qazaqstan velosport federasiiasynyŋ prezidentı Nūrlan Smaǧūlov. 2022 jylǧy mausymdaǧy şabandozdardyŋ tolyq qūramy:
Leonardo BASSO (İtaliia); Samuele BATTİSTELLA (İtaliia); Manuele BOARO (İtaliia); Gleb Brusenskii (Qazaqstan); Valerio KONTİ (İtaliia); Stefan DE BOD (Oŋtüstık Afrika); David DE LA KRUS (İspaniia); Djo Dombrovskii (AQŞ); Evgenii Fedorov (Qazaqstan); Fabio Felline (İtaliia); Mikele Gadzoli (İtaliia); Evgenii GİDİCh (Qazaqstan); Dmitrii GRUZDEV (Qazaqstan); Sebastian ENAO (Kolumbiia); Migel Anhel LOPES (Kolumbiia); Aleksei LUSENKO (Qazaqstan); Davide MARTİNELLİ (İtaliia); Djanni MOSKON (İtaliia); Iýrii NATAROV (Qazaqstan); Antonio NİBALİ (İtaliia); Vinchenso NİBALİ (İtaliia); Nūrbergen Nūrlyhasym (Qazaqstan); Vadim PRONSKİI (Qazaqstan); Aleksandr Riabuşenko (Belarus); Haver ROMO (İspaniia); Harold TEHADA (Kolumbiia); Simone VELASKO (İtaliia); Artem ZAHAROV (Qazaqstan); Andrei ZEIS (Qazaqstan).
Sport direktorlar qūramy:
Aleksandr ŞEFER (Qazaqstan), Djuzeppe MARTİNELLİ (İtaliia), Dmitrii FOFONOV (Qazaqstan), Bruno ChENIаLTA (İtaliia), Sergei IаKOVLEV (Qazaqstan), Stefano ZANİNİ (İtaliia), Mario MANSONİ (İtaliia), Orlando MAİNİ (İtaliia).
«Astana» käsıbi sport klubynyŋ bas serıktesı – «Samūryq-Qazyna» ŪÄQ» AQ, qūryltaişysy – Turizm industriiasy men sportty qoldau qory
«Adyrna» ūlttyq portaly.
