Täuelsızdıktıŋ 30 jyldyǧy aiasynda megapolistıŋ Türksıb audanynda, «Jeltoqsan» saiabaǧynda eskertkış tas qalandy, dep habarlaidy QazAqparat.
Şaraǧa Jeltoqsan bırlestıgınıŋ ökılderı, qoǧam qairatkerlerı, aqyn-jazuşylar men Almaty qalasy äkımınıŋ orynbasary Erjan Babaqūmarov qatysty. Erjan Babaqūmarovtyŋ aituynşa, «Jeltoqsan» saiabaǧy byltyr aşyldy. Al bügın osy jerde monumenttıŋ ırgetasy qalandy.
Būl Jeltoqsan oqiǧasynyŋ 35 jyldyǧyna orailastyrylyp otyr. «Täuelsızdıktıŋ 30 jyldyǧyna daiyndyqty bız bır jyl būryn bastap kettık.
«Jeltoqsan» saiabaǧynyŋ orny men atauy jeltoqsan bırlestıkterınıŋ ökılderımen bırge anyqtaldy. Almaty äkımı Baqytjan Saǧyntaev monumenttı ornatu turaly tiıstı şeşım qabyldady. Būl kün bızdıŋ qalamyzdyŋ tarihyndaǧy maŋyzdy oqiǧa bolatynyna senımdımın», - dedı qala äkımınıŋ orynbasary. Erjan Babaqūmarov jinalǧandardy kele jatqan Täuelsızdık künımen qūttyqtady. «Saiabaqtyŋ aşyluy, bolaşaqta eskertkış ornatu – būl jeltoqsan batyrlaryna qūrmet qana emes, olardyŋ erlıkterın mäŋgı este saqtau, bolaşaq ūrpaqqa jetkızu. «Jeltoqsan» saiabaǧy ülken ärı oǧan keletınder de köp bolady – ony abattandyru jūmystary jalǧasuda. Būryn būl qarausyz qalǧan skver bolatyn, al endı qala tūrǧyndary jaŋa qoǧamdyq keŋıstıktı aralai otyryp, bızdıŋ halqymyzdyŋ tarihymen tanysady», - dep atap öttı ol.Barlyq qūqyqtar qorǧalǧan. inform.kz belsendı sıltemenı paidalanyŋyz https://www.inform.kz/kz/almatyda-zheltoksan-eskertkishinin-irgetasy-kalandy_a3873508
