Qazaqstan Respublikasynyŋ Prezidentı Qasym-Jomart Toqaevtyŋ Jarlyǧyna säikes, QR Premer-Ministrı Asqar Mamin Täuelsızdıktıŋ 30 jyldyǧyna orai eŋbek ardagerlerıne, ministrlıkter men vedomstvolardyŋ, ūlttyq kompaniialardyŋ qyzmetkerlerıne, sondai-aq ıskerlık orta ökılderıne Qazaqstannyŋ äleumettık-ekonomikalyq damuyna qosqan ülesı üşın memlekettık nagradalardy tabystady, dep habarlaidy QazAqparat Ükımet basşysynyŋ resmi saityna sılteme jasap.
«Täuelsızdıktıŋ 30 jyldyǧy – Qazaqstan tarihyndaǧy aituly kün. Täuelsızdık – memlekettılıktıŋ berık negızı, erkındıktıŋ, tūraqtylyqtyŋ jäne ūltaralyq kelısımnıŋ simvoly. Bızdıŋ täuelsızdıgımız ärbır qazaqstandyqtyŋ öz elı men jerınıŋ igılıgı üşın atqarǧan qajyrly eŋbegımen, ärqaisymyzdyŋ damyǧan jäne quatty memlekette ömır süruge degen ūmtylysymyzdyŋ arqasynda nyǧaia tüsedı», — dedı A. Mamin saltanatty jiynda söilegen sözınde.Ükımet basşysy QR Tūŋǧyş Prezidentı – Elbasy Nūrsūltan Nazarbaevtyŋ basşylyǧymen Täuelsızdıktıŋ 30 jyly ışınde Qazaqstanda maŋyzdy saiasi jäne äleumettık-ekonomikalyq reformalar tabysty jürgızılgenın atap öttı. Memleket basşysy Qasym-Jomart Toqaev ekonomikany damytuǧa, halyqtyŋ äl-auqaty men tūrmys sapasyn arttyruǧa, eldegı beibıtşılık pen qoǧamdyq kelısımdı saqtauǧa baǧyttalǧan strategiialyq baǧytty tabysty jüzege asyryp keledı. I därejelı «Barys» ordenımen eŋbek ardagerı Nyǧmatjan Esenǧarin, III därejelı «Barys» ordenımen Qazaqstan Qarjygerlerı qauymdastyǧy keŋesınıŋ töraǧasy Elena Bahmutova marapattaldy. «Parasat» ordenımen densaulyq saqtau vise-ministrı Jandos Bürkıtbaev, sauda jäne integrasiia vise-ministrı Janel Küşıkova, tötenşe jaǧdailar vise-ministrı Mereke Pışembaev, İndustriia jäne infraqūrylymdyq damu ministrlıgınıŋ Qūrylys ısı jäne tūrǧyn üi-kommunaldyq şaruaşylyǧy komitetınıŋ töraǧasy Timur Qaraǧoişin, «QazMūnaiGaz» ŪK» AQ basqarma töraǧasynyŋ orynbasary Daniiar Tiesov, «Qazatomönerkäsıp» ŪAK» AQ basqarmasynyŋ eks-töraǧasy Ǧalymjan Pırmatov, Qazaqstan avtobiznes qauymdastyǧynyŋ prezidentı Andrei Lavrentev, «Qazaqtelekom» AQ basqarma töraǧasynyŋ keŋesşısı Sailauhan Raiymbekov marapattaldy. II därejelı «Dostyq» ordenı «Sine Midas Stroi» JŞS bas direktory Ahmet Budanǧa, «Kazpi.KZ» AQ basqarma töraǧasy Mihail Lomtadzege, «Prommaşkomplekt» JŞS damytu jönındegı direktory Sergei Pavlingerge, «Todini Sentral Aziia» JŞS direktory Fabio Almanoǧa, «Alsim Alarko Sanaii Tesisleri ve Tidjaret» AQ vise-prezidentı Abbas Şahinǧa berıldı.
