Aqordada Qazaqstan Respublikasynyŋ Prezidentı Qasym-Jomart Toqaev Täuelsızdıgımızdıŋ 30 jyldyǧynda qolǧa alynǧan jaŋa auqymdy reformalar turaly aityp berdı, dep habarlaidy QazAqparat.
«Bügın özderıŋızdı marapattai otyryp, Qazaqstannyŋ körkeituge üles qosqan barlyq azamatqa rizaşylyq bıldıremız. Sızder naǧyz otanşyldyqtyŋ, käsıbi bılık pen adal eŋbektıŋ ozyq ülgısın körsettıŋızder. Öskeleŋ ūrpaq özderıŋızge qarap boi tüzeidı. Osydan bır jyl būryn men ülken mereitoidy şusyz, daŋǧazasyz, ysyrapsyz naqty jūmystarmen atap ötu qajettıgın aittym. Täuelsızdıgımızdıŋ 30 jyldyǧyna jaŋa auqymdy reformalar qolǧa alyndy. Sondyqtan, būl jyldy nätijelı boldy deuge tolyq negız bar», - dedı Memleket basşysy nagradalar iegerlerın marapattau räsımınde.Prezident ekonomika men äleumettık salalar jan-jaqty jaŋǧyrtylyp jatqanyn eske saldy. Indetke qaramastan memleket otandyq bizneske qoldau körsetude.
«Önerkäsıp, auyl şaruaşylyǧy, qūrylys salasy, qarjy sektory jüielı türde damyp keledı. Öŋırlerde ırı infraqūrylymdyq jobalar ıske asyryluda. Keşendı jaŋǧyrtu bılım beru jäne densaulyq saqtau salasynda da jürıp jatyr. Memleket özınıŋ äleumettık mındettemelerın oryndaidy, zeinetaqyny, järdemaqyny, jalaqyny tūraqty arttyrady. Memlekettık basqaru jüiesınde de ülken özgerıster boldy. Azamattardyŋ ömır süru sapasyn jaqsartuǧa jäne eldıŋ bäsekege qabılettılıgın küşeituge baǧyttalǧan 10 ūlttyq jobany bekıttım. Qoǧamdyq saiasi salada eleulı özgerıster jasaluda. Men ūsynǧan saiasi reformalar toptamasy kezeŋ-kezeŋımen jüzege asyrylyp jatyr. Bız Täuelsız Qazaqstan tarihynda alǧaş ret auyl äkımderın tıkelei sailaudy ötkızdık.Biyl mausym aiynda adam qūqyqtary salasyndaǧy aldaǧy şaralar turaly Jarlyqqa qol qoidym. Būl qūjat qūqyq qorǧau salasyn keşendı türde jaŋyrtuǧa baǧyttalǧan. Qoǧamdyq dialogty bırtındep damytu üşın naqty şaralar qolǧa alynyp jatyr. Mūnyŋ bärı azamattarymyzdyŋ şeşım qabyldau jäne memlekettık basqaru ısıne belsendı qatysuyna jol aşady», - dedı Qasym-Jomart Toqaev.
